شحالكم فديتكم .. عساكم إلا بخير …
بنات بغيت أخبركم كنت حاطة في بالي آخذ لكزس Is
والبارحه سرت الوكاله وحجزت Es بالغلط !!
واليوم الصبح دخلت السايت مالهم واكتشفت انه في فرق من بينهن !!!!
الصراحة انصدمت واااااااايد بس شو سويت يلست اقارن من بين السيارتين ..
وطلعت Es اوسع من الداخل و272 حصان
Is أضوج من الداخل لانها رياضية و 228 حصان …
وفي مواصفات كثيرة بس ماقدر اكتبنهن …
بس بغيت اعرف ليش Is اغلى من Es مدام مواصفاتها اقل ؟؟؟؟
مب معقولة بس لانها رياضية !!!!
فللي تعرف بليييييز لاتبخل علي لني احترت واحتمال اكنسل الحجز واخذ Is …
دخيلكم خواتي لو تعرفون خبروني او تخبروا حد عندكم له معرفة في السيايير ..
وبكون شاكرة لكم واااايد 
اسمحيلي
و عقبالي انشالله
بس موتري اقوى بوايد !!!
والفرق في السعر هب وايد تراا !!
انزين انصحوني بالله عليكم …
أولا إنتي تقصدين Gs موب Is لأن اللكزس أصلا مافيها فئة Is ..
ويمكن لأنج ماكنتي حاطة في احتمالج إن مافيه فئة Is ومع ذلك طلبتي Is الوكالة عطوج حجز الـ Es
المهم ..
الجي اس أغلى من الأي اس مع إن مواصفاتها الداخلية أقل من الثانية لأنها رياضية ولأنها مرغوبة أكثر .. يعني مبيعاتها في الامارات وايد مرتفعة وتعتبر السيارة الثانية في كمية المبيعات اللي تبيعها لكزس ..
وبعدين سعرها فيها لأنها مطلوبة .. يعني ما تنقص كثر الاي اس عند البيع ..
أنا عندي اي اس واستعملها من سنتين ونص تقريبا وايد حلوة وهادية في السواقة ومواصفاتها ماعليها كلام .. بس تبين الصدق ريلي امطفر فيني من قبل لفا نملج وهو يباني أبيع السيارة ويقول لي لو كنت أعرفج ما خذتيها لو شو .. مع إن السيارة حلوة والله بس هو موب عاجبتنه .. ذوقه جذيه ..
بعدين أنا عندي ربيعاتي ثنتين خذوا نفس الموتر عقب ما انا خذته ووايد مرتاحين عليه ..
تبين النصيحة ..
إذا إنتي أم عيال أو إن عندج خوات بيظهرن وياج في الطلعات خذي الاي اس لأنها وايد عملية ومريحة .. وغنتي في النهاية بنية يعني موترج تبينه للاستعمال موب علشان تبعينه السنة الياية ولا علشان تداعسين به .. والصراحة الاي اس الشكل اليديد فظيعة ..
وإذا حبة تاخذين ال جي اس .. خذي العودة 430 موب الصغيرة ال 300 ..
والسموحة منج حبوبة
بس فديتج شيء Is هذي يديدة موديل السنه غناتي ..
دشي السايت مالهم وشوفيهن وبتعرفين انواعها https://www.lexusuae.com/
و ياريت تنصحوني ..
مع العلم سيارتي رقم واحد بـ 139000 و Is رقم واحد بـ 142017
اخوية يقولي هذيج وااااايد صغيرة و ما تنفع للبنات !!!! خخخخخخ مع اني احب هالمواتر
يالله بتريا دوري عقب شهرين او 3 شهور
ادعووووووولي