شخباركم بنات
انا عندي شي مضايقني وابي منكم المشوره الله لا يراويكم مكروه يارب
انا صارلي بالغربه سنتين تقريبا
بس احس كل يوم انصدم من الي حولي
اقول يمكن قبل كنت مغمضه عن عيوبهم يوم بعدت انصدمت حيل
اانا ماراح اقول اني طيبه ولافيه احسن مني لاني مو انا الي اقيم نفسي واكيد ان كلي عيووب
بس انا قلت اقول الي بخاطري لان احس مرره متضايقه
زي ماقلتلكم لي سنتين تقريبا لحظت شي مرره ضايقني
اول شي اببد من صديقاتي
كثير منهم تغيرو وخاصه المقربين مني
كنت اقطع عمري علشانهم بس وقت الحاجه ما اشوفهم حولي الا من رحم ربي بس هذا الشي مايضايقني مره
ثاني شي اهل زوجي حكايتهم حكايه
طبعا زوجي هو الكبير امه مو عجوز مررره يعني كبيره بس ماوصلت مرحله العجز طيبه وعلى نياته بس عنده بنت مدري وش تبي من عجزت افهمه كنت مرره اتضايق والحين طنشت الامر عشان ابي اعيش
الحين اكيد تقلون وين مشكلتك اذا هذي مايهمك وهذا مطنشه
مشكلتي اهلي
خواتي
محد يسال عن الا وقت الحاجه يعني اذا احتاجو شي بس كنت اول اعطيهم اعذار مايقدرون مكالمه غاليه بس من يوم تحتاج شي من تتصل باستمرار لين يوصل الغرض عنده وخلاص بعده ما اشوف احد حتى بالمسن ما اشوفهم دايم اشوف بس اختي اصغر مني بس دايم ماله خلقي وعن الظليمه احينا تسولف معي
والله مو امدح نفسي بس كل الي حولي لاحظ هذي الصفه فيني اقطع نفسي واحينا احرم نفسي عشان اسعد خواتي
بس انقهر وخاصه من اختي الي اصغر من مقدر افسر تصرفاته احينا احس شايفه نفسه علي
مدري وش افسره صراحه
دايم باي نقاش تتريق علي وتتمسخر واخر مره هذي الي احسه مررره جلست ابكي طول الليل ولا قدرت انام
كانت ليله العيد وارسلت لامي وابوي مسج يعني اني فقدتهم بالعيد جت تكلمت معاي بالماسنجر بكل وقاحه وتجلس تهزا فيني انتي صيحتي ابوي وضيقتي صدر امي وطبعا جلست تهزا فيني انا ضاق صدري ولا رديت عليه اخر شي كتبت لاعمرك تتعودين له
جيت انا قلت الرسايل كانت عاديه وكنت اعايدهم فيه وصح هي كانت تحزن شوي بس ماكان قصدي والله بس انا بينت شعوري لهم قالت انا ماقريت الرسايل بس يقلون ابوي جلس يصيح طبعا انا تضايقت بقوته وقلتله ليش تتوقعين انا مرسله عشان اضيق صدورهم وربي لو ادري ما ارسلت شي
جلست ترادد فيني قلتله كل شي يجي باسلوب اي واحد يتقبله بس انتي جيتيني بهاواش
وانا مو قصدي
قالت طيب يرضيك تجلس امي طول اليوم ماتنام انا والله جلست ابكي احس انقهرت من اسلوبه ومن نفسي
قلت طيب تتوقعين انه انا ادري هالشي يبي يصير وارسله قالت مدري عنك قلت الا يمكن انا ابي كذا قالت اجل ابشري تحقق امنيتك
انا ماهمني الا ليش اسلوبه معي كذا حتى هذي مو اول مره بس هذي قهرتن مررره
وربي جلست اصيح وما قدرت انام
اخر شي قلتله الله يسامحك
والمشكله انا دايم الي ارجع بس وربي اعلم بنيتي اخر شي هذي اختي بس احس فيه كبر واحيانا احس قلب حجر ومدري كيف طريقه تفكيره مدري وش افسر تصرفاته ولادري كيف اتعامل معه
والمشكله انا دايم استصغرله وبعدين اتحسف احس تحس ان هذا الشي واجب
مدري وشلون اصف الي بخاطري
اصعب شي انك تعطين بلاحدود تلقين بالنهايه جحود
وربي انا ابي هذا كله لله بس احس شي يضايقني
مدري العيب من او من الي حولي
واحيانا اقول استغفال وكثيرررر اشياء تدور براسي
اسفه على الاطاله وركاكه الاسلوب
بس مدري كيف وشلون اكتب
الله يسعدكم ياارب
دعوه ولو جبر خاطر
الله يحفظك ويغفرلك يارب
التمسي لكل من ابتعد عنك العذر.. ولا تقطعين احد
وكوني انتي المبادرة و اكسبي الاجر
والله يحفظك في غربتك و يردك سالمة لاهلاك
الله يغفرلك ووبوفقك
لأنه شي طبيعي إنه الأم و الأب يحنون للبعيد و طبعا في كل مناسبة بيتذكرون البعيد و إذا نزلت دموعهم فهذا شي طبيعي …
يعني أنا أم و ولدي متغرب طبيعي لما أسوي أكلة يحبها أو أروح مكان متعودة إنه يكون فيه وياي أو لما أشتري شي لاخوانه و أتمنى إني أشتريله مثلهم و و و و طبيعي تنزل دموعي و أدعي له بالخير …
بس الغالية طبيعي بعد خواتج انشغلن بأمور حياتهن فاعذريهن …
و حاولي تشغلين نفسج بأشياء ثانية مثل هواياتج أو الاهتمام ببيتج أو أي شيتشوفينه يناسبج …
(( نحن نستطيع أن نحمل أوطاننا في داخلنا حيث كنا .. فاخلقي حولك وطنا تحبينه حيث كنت ))
أعانك الله و وفقك …