اوضعي مشاركتك بقسم السياحة الخارجية
طبيعتها تجنن
اسكنوا فالجبل اللي هو بونجاك
واستمتعوا بالطبيعة الخضره وبالمطر والله خبال
ماشا الله ع جوهم
بتحصلون فلل وااااايد بس وايد زحمة كله خليج هناك ماشا الله
عندج سفاري وايد كشخه
تمرون اول شئ عند الحيوانات فالسيارة
ولا تنسون تاخذون جزر قبل ما تدخلون بتحصلون وايد يبيعون جزر برا الحديقة
خذوا عسب تأكلون الحيوانات ومايخلونكم تنزلون بس من السيارة تفتحون الجامه
وعقب بعد ما تخلصون في ألعاب للصغار والكبار والمساحة واااايد كبيرة
وفي مطاعم وفي دكاكين وايد اشيا بتستانسون 
ويسوون بعد عرض الدلافين وعرض الكاو بوي وعرض الدراجات حضرناهم كلللهم 
وفي حديقة الزهور كلها زهور ملونة تجنن
وفيها بعد ألعاب تقدرون تلعبون بعد
وفي بعد الشلالات وااااوو خبال والله
بس بتمشون لين ماتهلكون تععب لين ما توصلون الشلال
بس والله بعد هالتعب استانسنا عالشلال الللللللف 
بالنسبة للمطاعم مااحب اكل من أكلهم خير شر
ما يعجبني ومب متعودة عليه
ماما كانت يايبه لنا من البلاد
أو نطلب من مطاعم سعودية
لانه اكلهم غريب 
وعندج بعد إذا بتروحون جاكرتا حر وزحمة أفف
بس مولاتهم واااااااايد
وفي اشيا حلوة للشوبنق وأسعارهم أحلى
وفي عندهم حديقة ملاهي كبيييييرة ناسيه اسمها وااااااايد حلللوووووة
في كذا مكان بس ناسيه 
والسموحة
.,
بالنسبة للاماكن انا ناسختنها من منتدى و شغل خبراء عسب ما اكون سرقت تعبهم .,
جاكرتا لا اتمون فيها وايد بس للراحة وزيارة منطقة انشول (منطقة كبيرة فيها اقسام , دنيا فانتزي العاب خارجية خيالية , سي وورلد عالم البحار و في اكواريوم وهالسوالف بس ما دخلته قبل , قسم لعروض الحيوانات وغيره )
المناطق احلى شي عندج باندونق , بونشاك و تقدرين منهم تزورين المناطق الجريبة .,
و هذي الاماكن السياحية ف كل منطقة
بالنسبه لباندونق :
1) بركان تانكوبان براهو
2) المياه الحاره_تشياتر
3) سوبانق عاصمه الاناناس
4) لغاية أشجار المطاط
5) مزارع الفرالة
6) شلالات ماربيا
7) شلالات سيماهي
8) متحف اسيا
بونشاك
• لزيارة لـ غابات وشلالات شليمبر + حديقة الشمس متهاري + مطعم شيموري للعشاء
• الزيارة حديقة سيبوداس + حديقة الزهور + الحديقة الجيراسية
• الزيارة لـ مصنع ومزارع الشاي + حديقة الفراولة + بحيرة الالوان + سوق شيبيناس الشعبي
• الزيارة لـ حديقة تمان سفاري
• الزيارة لمدينة بوقور وزيارة حديقة النباتات ومتحف الحيوانات المحنطة والقصر الرئاسي + غابة حديقة الالعاب المائية + زيارة بعض المولات
و إذا حبيتوا تزورون جزيرة بالي عندج هالروابط مري عليهم .,
انا رحت اندونيسيا قبل ويا اهلي و هالمرة إن شاء الله ويا ريلي و ولدي .,
و ما اعرف إذا مسموح نحط ارقام السواقين او لا , بس إذا حبيتي تسألين عن اي شي زيادة تواصلي وياي ع الخاص لاني بالعادة ما ارد للمواضيع 
و صح اهم شي لا تفكرون تروحون انشول او تامان سفاري ف إجازتهم لانه ما بتستانسون من الزحمة واظم إذا مب غلطانة الويطند عندهم السبت و الاحد ..
و ربي يوفقج اختيه و سفرة موفقة 