الفزعه ياسيدات الامارات

السلام عليكم
خواتي بغيت مساعدة للي عندها خبره
كيف اسوي فحص الزواج اذا هوه من اماره غير امارتي
وشو من الاوراق الي اشلها وياي
ووين اسير
ويوم اسير اخذ اوراق تخص المعرس ولا بس اوراق تخصني؟؟؟؟؟؟؟؟؟؟؟؟؟
وسلمتم
ودعواتكم لي الله يتمم لي ملجتي على خير

انا من العين وريلي من الشارقه.. ولان ملجنا في العين اشترطت المحكمه ان يسوي الفحص في العين.. سبقني على مستشفى الجيمي وخذ معاه ٤ صور شخصيه وجواز السفر الاصلي وصوره منه وفتح ملف وسووله الفحوصات.. وانا نفس الشي.. بس عطيهم اسم المعرس واعرفي متى ودى الاوراق.. وسوي الفحص احتمال ياخذ اسبوع..
والرسوم على ما اذكر ١٠٠ درهم..

بعد سوي بحث في المنتدى واااايد خوات كتبوا عن هالموضوع واحتمال يكون في اوراق اكثر بس ما اذكر.. الله ييسر امرج

شوفي الرابط اختي بيفيدج

https://www.forum.uaewomen.net/showthread.php?t=441978

انا من الشارجه وريلي من راس الخيمه .. سرت عياده الرقه سويت الفحص .. خذت صورتين شخصيه وخذت 100 درهم وصوره من الجواز … وريلي سوى الفحص في راس الخيمه وبعدين يوم تطلع النتيجه ياب ريلي الفحص ماله وشافه الدكتور فحصي وفحصه وخلانا نوقع وبث ….

اللي يلزمج :
# 100 درهم
#صورتين او 3 شخصيه
# صوره من الجواز ..

انتي اتصلي في اقرب عياده لكم تسوي فحص الجواز وقوليلهم شو يبون ..

للرفع

فحص شي ضروري ياأخواتي الله ياوفج