وايد اشوفكم تتكلمون عن القرية العالمية وانا ضايعة من بينكم
ياريت اعرف وش تطلع القرية العالمية ؟؟
وادري فيكم مابتقصرون
تحياتي
البحرينية دان
ارض واسعه جدا جدا في ملاهي متحركه و اسواق حلوه مدتها 45 يوم فترة المهرجان
سموها القريه العالميه لانهم مقسمينها لبلدان و كل بلد عباره عن قريه و فيها اسواق تبيع المنتجات اللي تتميز بها هذه الدوله و اشياء مختلفه ..
زورينا السنه القادمه خلال المهرجان و ان شاء الله بتستمتعين فيها ^__^
بالنسبة للقرية العالمية
أكيد انتي سمعتي عن مهرجان دبي للتسوق
والقرية العالمية حدث يتزامن مع المهرجان
وهي عبارة عن براحة كبيرة تجمع عدة قرى من دول مختلفة من العالم مثل الإمارات، إيطاليا، الهند، تايلند، قطر، البحرين السعودية، اليمن، لبنان، إيران ودول ثانية غير
كل دولة يُقام لها مجسم كبير على شكل أو هيئة معلم من معالم أو شي يميز هذيج البلد
وكل مجسم يعتبر يسمونه قرية ويجمع داخله محلات متعددة تبيع منتجات هذيج البلد مثلا:
القرية البحرنية فيها وايد محلات ومن ضمنها محلات تبيع: المتاي والحلويات البحرينية على اعتبار انها شي مميز في البحرين طبعا إضافة لمحلات ثانية
ومثلا القرية الإيرانية محلات تبيع المكسرات والحلويات الايرانية والزعفران على اعتباره شي مميز عندهم
وعلى هالشكل بالنسبة لكل قرية أو كل بلد
وبعد القرية العالمية تحتوي ألعاب كهربائية ومطاعم عشان تتعشون عقب ما تتعبون من اللف والحواطة 
ويسون فيها فعاليات تتناسب والمهرجان، مثلا ألعاب نارية ورقصات من كل بلد وجذي يعني
امممممم شو شو بعد؟!!
هيه صح بعد نسيت اخبرج ان على طول القرية بتحصلين كوشكات صغيرة كل كشك يبيع شي مختلف مثل الفواكة المقطعه، شاي كرك، ذرة حلوة، ذرة مشوية وغيره وغيره
يعني هذا باختصار تقريبا عن القرية العالمية وان شالله اتزورينه واتزورينها قبل لا تنتهي مدتها لان الحين هي خلاص على آخرها وإن طافتج لازم تتريين السنة الجاية
ان شالله اكون افدتج
شوقتوني لها اذا الله اشاء السنة القادمة بزورهاا وبتشرف بارض الامارات الحبيبة
اختي قصة واختي هند ماقصرتوا يعطيكم العافية نورتوني وعساني ما انحرم منكم
تحياتي
خلاص ان شاء الله السنه اليايه نترياج
الإمارات داركم