الكحه !

السلام عليكم و رحمة الله و بركاته

صباح الخير بنات

ايش أخباركم ؟

بغيت أسألكم عن شي مهم .. أختي ويا تغيرات الجو عندها كحه وصار ليها الحين اسبوعين تقريبا و كحتها متواصله و مافي شي الا و جربته و راحت عند الدكتوره بعد بس الكحه ما راحت بس السخونه و من كثر ما تكح ظهرها يعورها الحين و الحين وقت امتحانتنا احنا في الجامعه ومو عارفه تذاكر لأن كحتها صايره متواصله .

في وحده جربت شي أو تعرف عن شي و نفع وياها ؟

ردوا علي بنات .
و مشكورين .

جربوا ليمون مع ماي حار وعسل… إذا ما نفع يمكن عندها حساسيه من الجو… بتاخذ وقتها وبتروح بروحها…

هلا اختي
الله يشفي اختج ويعافيها الزنجبيل وااااااااااايد زين
صح ان طعمه مب شي بس زين

الله يشفيها ويعافيها ان شاءالله

تاخذين كركم الللي نستخدمه للطبخ
تخلطين ملعقه صغيره منه بفنجان ماي دافي وتخليها تشربه قبل النوم وفي الصباح مرتين
واذا ما راحت الحكه خلال يومين تعالي قوليلي
والله مجرب اخو زوجي الصغير كان معاه التهاب شبيه بالربو وجربت معاه الكركم والله قطعها بلا عوده ولا أدويه الحمد لله

سو لها تحاليل يمكن يكون السعال الديكي لأني سمعت كم وحده ياها هذي الأيام