الكركم الهندي.

مرحبا بنات. قبل اعرس كنت اسوي خلطه للجسم ويعني صراحه ماحس ان الكركم ينظف بالعكس حسيته حرقني وسوودني وعقب بيت جيرنا يبيعوون كركم وماسك ماعرف المهم قالتلي هذا يبيض من الكلام هذا. وخذته عسب ماجرحها وتم كم شهر ف الكبت من اسبوع تقريبا استخدمته شفت صدق يبيض. البقع مال كلف الحمل تقريبا شبه خااز استغربت دقيت عليها قالت هذا هندي اصلي. عرفت ان في تقليد وف مال اكل يعني لازم انفرق فالاستخدام

تسلمين الغاليه عالمعلومه

هيه الغاليه الكركم نوعين نوع كركم اكل ونوع كركم خاص للجسم والكركم الخاص فالجسم مفيد وااااااايد

العرايس الهنديات يستخدمنه لانه يصفي البشره ويبيض وايد وانا استخدمه ثانكس ع المعلومه

هيه الغالية في خاص للجسم

بس بكل الاحوال حتى الخاص فالجسم مو بشرط يناسب الكل
انا عني ما أتوالم مع الكركم يضرني اكثر من انه يفيدني
تفرق من وحدة لوحدة على حسب الجلد اذا حساس او لا و اذا يتناسب معاه او لا

عندج خلطة النشا مع الروب و ماي الورد عجيبة تبيض

فيه كركم خاص للجسم ومفيد جدا ويبيض ..

هلا غلاتي
الكركم روعه للجسم حتى مع الحنا والسدر تخلطينه يطلع روعه
مثلا نستخدمه بخلطات الحمام المغربي
في عروس عندنا انحرقت ياحرام من الليزر اعتقد زادو الجرعه عليها
من سوينالها مع الحمام المغربي خلطه العروس وهي من مكوناتها الاساسيه الكركم
طلع ناعم اولا ومن ثالث جلسه يتني فرحااانه تقولي حياة شوفي الفرق

انصح العرايس فيه مع الروب وبعده بكريم مرطب مثل زيت جونسون

انا الي اعرفه في كركم خاص للجسم من العطار وفيه كركم الاكل هذا الي يصبغ
بس مادري عن الكركم الهندي واكيد الشي الطبيعي من المصدر يكون افضل