الكركم

بناات منو يعرف اذا عادي احط كركم مال الأكل على ويهي عادي ولا

لا حبي كركم الاكل ما يخصه في الويه .. خذي كركم الجسم … عقب بتغدين صفراااااا .. بيتروووعون اللي في البيت وانتي اتعرفين الكركم ما يفج بسرعه …..

لا الغالية فيه كركم خاص للجسم يمكن تحطينه في ويهج وعلى الجسم بعد، وكل الي عليج تروحين عند العطار وتقولين له عطني كركم للجسم، وسلامتج

حبيبتي كركم الجسم ايي شكله شرات الزنجبيل ..

تاخذينه من العطار.. ويفضل تخبرينه يطحنلج من المحل ..لان بالبيت صعب اتطحنينه …

كركم الاكل مضاف عليه الوان … عشان جي مو اوكي حق الجسم ..

وسلامتج … ^_^

زين و الله كنت بحطه على ويهي ههههههههههه

كنت سرت فيها و انا عندي مقابله في الكليه هههههههههههه

الحمد الله الحمدالله ما سويتها هههه ^_^

تسلمووون على النصيحه و زين قلتولي ^_^

اختكم غلا دنياه

الكركم (Turmeric) هو مسحوق جذور(ريزومات) لونه أصفر بني .يستعمل الكركم كلبخة للجلد وتفيد في الكدمات والورم .ويوضع علي الشعر الزائد فيقلل نموه. ينشط الكبد لإفراز الصفراء ويزيد حركة المعدة .ويزيد ذوبان حصوات المرارة.لأنه مدر للصفراء .به زيوت عطرية وأصباغ تذوب في الماء . يمنع المغص وطارد للأرياح وينظم العادة الشهرية وبه مادة Curcumin الصبغة الصفراء ولها تأثير يفوق الكورتيزون في الأمراض الجلدية وهي مضادة للأكسدة وأشد من فيتامين E ويقلل. ويخفض ضغط .

لإستعمال الكركم لتنقية وتصفيه لون البشره تاخذين كركم عدل من عند العطار وتطحنينه عند العطار علشان تتاكدين انه غير مخلوط باصباغ وبعدها تعجنينه مع فازلين وتحطينه على الوجه واي مكان بالجسم ماراح يطلع لج لون قوي وتقدرين تتاكدين بنفسج قبل ما تحطينه على الوجه حطيه على منطقه داخليه مثلا الساق خليه لمده ساعه تقريبا ويمكن اقل عادي علشان ياخذين الفايده منه يخلي الوجه صافي ويشيل السواد كله

وعلشان تستخدمينه حق ازاله الشعر نهائيا خلي شعر الرجل لمده شهرين تقريبا لا تشيلينه باي طريقه وضروري بعد شهرين علشان يكون الشعر مكتمل النمو تاخذين الكركم ويكون جديد توج طاحنته لانه فيه زيوت طيارة تروح مع تقادم الوقت وما تاخذين فايدتها الطريقه اهي بالضبط علشان تاخذين اكبر فايده وما راح تخسرين يالغاليه

تاخذين مقدار من الكركم وتعجنينه بماء فاتر بس ما يكون ساخن جدا بدرجه يتحملها جسمج لحد ما يصير عجينه مثل الحنه بالضبط ولا تكثرين الماي خليها جامده خشنه بعدين فركي ريولج بالكركم وضروري تلبسين قفازات نايلون ضروري جدا لان لون الكركم يشبه الى حد كبير لون الحنه ومايطلع الا بعد اسبوع على الاقل وطبعا رجولك راح يصبغ لونها بلون الكركم اكيد بس الاظافر صعب يروح منها اللون المهم فركي الشعر الي بريولج او اي منطقه تحبين فرك خفيف مستمر مع مساج عميق من غير ما تجرحين البشره وانتي تفركين راح تلاحظين مع الوقت بعد ربع ساعه على الاقل انج لو سحبتي الشعره راح تطلع بايدج لان الشعر صار ضعيف الحين سحبي الشعر بايدج اذا كان ممكن او افركيه في ليفه سوده مالت السنفره بحركات دائرية لحد ما يطلع كل الشعر كامل واذا بقا شي بعد الفرك بعديييين كلشششش شيليه بالحلاوة او اي طريقه ثانية بس ما يكون موس يعني لا تحلقين الشعر وبعد مده شهر تقريبا كرري العمليه الى اربع او خمس مرات بعدين راح تلاحظين ان الشعر صار خفيف وناعم ويطلع متفرق بالجسم نتائج العمليه هذي تطلع واضحه جدا على الرجل والابط او اي مكان يكون فيه الشعر خشن وثخين بالنسبه لي انا شعر رجولي الساق فقط والابط وايد متينه الشعره وباقي الجسم لا الشعر خفيف جربي وماراح تندمين ابدا وراح تدعين لي باذن الله تعالي واي استسفار انا بالخدمه

نسيت اقولج اني اخلي الكركم على رجولي بعد ما اخلص من الفرك والبس ستريج واخليه من الصبح لغايه الظهر طول فترة دوامي ولما ارجع البيت بعد ثمان ساعات تقريبا اغسله العمليه هذي تكررينا كل شهر تقريبا الى اربع او خمس مرات علشان تحصلين على النتيجه النهائية انا صار لي اربع سنوات من سويت رجولي والشعر الي يطلع لي الحين لا يقارن بالسابق ابدا