اليوم الظهر دقت في بالي اني اغير الغدا من العيوش للـ {كشري} 
وآخليكم مع الصور
المقادير :
1) 7 حبات طماط
2) 6 حبات قرون فلفل <<حار واذا ماتحبين الفلفل حطي 2
3) 8 حبات بصل
4) نص كوب عدس
5) كوبين عيش مصري
6) كيس ونص معكرونه
7) سبقاتي كامله
طريقة التحضير :
اول شي نقص البصل شرايح طوال (على حسب الرغبه اذا تبين الشرايح متينه او ضعيفه)
عقبها نقص الطماط مربعات صغار للعلم انه ها الخطوه يبالها بلندر {الخلاط} بس لني برا البلاد فما عندي ..ونقص قرون الفلفل معا الطماط
بعدين انحط المعكرونه اللي على شكل هلال فنار ونصب شوية زيت مع ملح ونخليها لين ماتنضى
عقبها نفس الشي انحط السبقاتي فنار مع زيت وملح
بعدها نغسل العدس ونحطه على النار لمدة ساعه ونظيفله حبة ماجي
عقب ماانشل العدس من النار انخلي الماي ويكون معاه شويه من العدس (ماي العدس عشان يعطي لون للعيش المصري) ومانحطله ملح طبعا لنه حطينا من قبل
وهنيه شكله النهائي بعد ماخلص
عقبها نخلط السبقاتي والمعكرونه الثانيه ويا السبقاتي ونخليهن في صحن
هنيه شكل الصلصه وهي على النار نظيفلها 4 حبات ثوم مفرومات مع الطماط (الطماط مقشر) حبة ماجي ومع الفلفل خاشوقتين صلصل وشوية ماي ونخليها تتسبك على النار
وهني قبل لانظيف البصل والصلصه سمحولي بنات نسيت احط صور البصل
وهآ الشكل النهائي
يسلمووو حبوبه
المشاركة الأصلية كتبت بواسطة فديت علي 
الله يسلمج حبيبتي ولاتحرمينا من ردودج
ميروووه
المشاركة الأصلية كتبت بواسطة ميميتا يسلمووو حبوبه
فديتج مشكوره وماتقصرين .. الله يسلمج يارب
ميروووه
حلو وااااااايد ..
والله ينولج اللي ف بالج ..
المشاركة الأصلية كتبت بواسطة دانة الامارات حلو وااااااايد ..
والله ينولج اللي ف بالج ..
عيونج الحلوه فديييت روحج يارب اجمعين انشاءالله .}.
ميروووه