روعه شوي عليهاا وسهله
1)
خذي عجينة الكنافه شعيرية الكنافه كله واحد تلقينها في الجمعيه اوي اي سوبر انا اشتريها من الجمعيه او اللولو
قطعيها بالمقص قطع صغار عشان تقدر تحركيها عالنار بدون ماتطلع لبرى
حمصيها مع زبده الين ورشي عليها شوي سكر وحمصي حمصي الين تصير ذهبه نفس اللي في الصوره تقريبا
بعدها صكي عليها طلعيها من النار نجي للخلطه التانيه
2)
1أول شي تحطين في قدر قلاص ونص ماي
2 وبعدين تحطين فنجانين حليب نيدو
3 تحركينه عدل بعدين سوي فنجان سكر ونص
4 بعدين سوي شوي ماي ورد بالغطا ماله
5وبعدين يالغاليه اضيفي ملعقتين نشأ وحركي حركي إلين يثقل شوي ويفور مره بس
6 سكري تحته طلعيه من النار وصبي عليه علبة قشطه قيمر اوي اي شي المهم بدووووون نكهة العسل
بعدها ييبي صحن بايركس او اي صحن ممكن يدخل الفرن
وقسمي الشعريه قسمين بالتساوي قسم رصيه في الصحن لين تاويينه بالصحن طبها دهنيه شوي قبل
وبعدها صبي الخلطه فوقها وحركيها بالمعلقه وساويها ورشي شوي مكسرات
وبعدها ييبي القسم الشعيريه الباقيه ورشيها من فوق الين تغطيها الطبقه اللي فوق بها وعقب رشيها بالمكسرات ودخليها الفرن شوي تتماسك وتحمر حبتين بس انتبهي ترى بتحرق بسرعه
عقب انتي تكوني مسويه القطر اللي هي الشيرا لازم وحده تكون حاره اما الكنافه او الشيرا
طلعي الكنافه من الفرن وصبي عليها القطر بس يكون سوييته من قبل لا يكون حار
وعقبها رشيها بالمكسرات شوي وشوفي اشلون بيقولون عنها انا والله يطلبون مني اسويها طلب بس أتغلى والحقيقه شغلها تعب شوي يبالها رواقه ^^
واللي تقرى موضوعي يارب ماتقصر بالدعاء لي إن الله يجعلني من الصالحات ويجعلني ممن يحب ويرضى انا ووالدي وزوجي ويوفقني انا وزوجي في حياتنا دعواتكم
وهذي صورتها ^^
هذي اختفت نصها كلها احاول اخي ايدي عالسريع **
وهذي من قرب
تسلم ايدچ الغاليه
الله يوفقج يارب
يسلمو ايديكي
وبعد
انا توني متذكره اشلون انزل الصور يالله بحاول اصغرهم مره ثانيه مشكوره اختي الغاليه دعواتكم
لاإله إلا الله وحده لا شريك له الملك وله الحمد وهو على كل شي قدير