عندي لكم بعض من الأسئلة…1شو بتسوين مع الزوج الي عند لف ودوران في كل شىء مثل يوم تسئلينه وين كنت يقول برع الى الخ؟:1 (67):
2 كيف تتصرفين يوم يفر عليج كلمه جدام اهله؟:1 (25):
3 وكيف تتصرفين معاه يوم اتحسين ان ريلج يكلم وحده في التيلفون وتكشفين بعد؟:1 (57): :1 (72):
4 وكيف تتصرفين معاه يوم مايقتنع في كلامج رغم انت صح وهو غلطان بس اذا سمع من برع يكون مقتنع وخاصتا من ربعه بس بعض الاحيان يجذبون عليه بس هو يقول همه صح وانت غلط ؟
5 شوتسوين في حياتج يوم انت اتشكين فيه على الأغلاط الي سواه من قبل؟
:1 (9): أرجوكم ساعدونييييييييييييييي:1 (9):
الغالية البنات اللي عندهم خبرة ما بيقصرن وياج ..
الريال مايحب الحرمه اللي تحقق معاه..
وخففي من شكج فيه لانج انتي اللي بتتعبين …
انا رايي انج خذي بالج من نفسج واجذبي ريلج بجمالج وطيبتج .. بهالطريقه بيشوف انج ما تستاهلين انه يقصر في حقج..
وصدقيني حاولي بس اسبوع انج ما تسألينه عن شي ومن اول ما يدخل البيت استقبليه بابتسامه عذبه وعطر ولبس حلو.. وضميه وقوليله شقد اشتقتيله… والريال بطبعه يحب الحرمه المرحبانيه .. رحبيبه وودعيه لين عند الباب بقبله ما بينساها .. وبيتم يفكر فيج ويشتاق لردت البيت…
وخبريني بالنتيجه
جربي انج ما تسألينه وين رايح ومتى بترد .. انا مثلج دوم اساله اول ما يلبس ها وين؟ مع منو ؟ بتتاخر ولا بترد بسرعه ؟ والخ هههه
مره قلت ما بسأله .. وجي كم مره طلع ما سالته .. وعاد تعرفين انتي تيج لقافه الا تبين اتعرفين فشو اسوي عشان امسك عمري … ادش غرفه الكوي وايلس اكوي ثياب او ادش المطبخ واشغل عمري بشي … جان شو؟ ياني وقالي اقول انا بسير شوي ويا واحد من ربعي جي نص ساعه وبرد اوكي؟ ما تبغين شي من بره ؟ جان اقوله مشكور تروح وترد بالسلامه …
عاد هني استانست انه هو بروحه يا وقالي مب انا اللي سالته .. فجربي انتي لا تسألينه بيي هو بروحه وبيقولج ..
2 كيف تتصرفين يوم يفر عليج كلمه جدام اهله؟
الحمدلله ولا مره سواها فيني .. يعني مرات نقعد ويا اهله وخصوصا اخته ونسولف وطبعا هم يطيحون فيه .. وتنغيزات وحاله وانا اتم اضحك ..
3 وكيف تتصرفين معاه يوم اتحسين ان ريلج يكلم وحده في التيلفون وتكشفين بعد؟
اذا كنتي اتشكين انه يكلم وحده لازم يكون عندج دليل عشان اتواجهينه اذا ماعندج اي دليل بينكر وبيتضايق ويمكن اذا ما كان يكلم وحده يروح يجرب يكلم وحده وبالنهايه بتطلعين انتي الخسرانه … فاحسن شي خليج احسن منه وراويه انه اذا شاف غيرج هو بيكون الخسران .. اهتمي في عمرج ودلعيه وااااااااايد … يعني كل ما اتحسين انج متضايقه من حركه سواها … قومي واكشخي وجي وتدلعي وشوفي عقب كيف بيعوره قلبه وبيعتذر … << اسالي مجربه هههههه
4 وكيف تتصرفين معاه يوم مايقتنع في كلامج رغم انت صح وهو غلطان بس اذا سمع من برع يكون مقتنع وخاصتا من ربعه بس بعض الاحيان يجذبون عليه بس هو يقول همه صح وانت غلط ؟
مثل ماقلت لج اكشخي وتدلعي ودلعيه … وشوفي عقب كيف بيعترف انه غلطان وبيعتذر لج ,,, انا مره جي تضايقت منه وكل ما اواجهه واكلمه نتضارب زياده .. فقمت شو سويت … هو كان طالع جان اكشخ وجي .. يوم رد سويت عمري ولا جنه من شوي متضاربين … وها حبيبي شو تبغي ؟شو اسوي لك عشى … ويلست عداله وطبعا عطور وبدي لوشن وحاله .. واونه انطالع التلفزيون .. وشوي شفت الجريده اوني مسكتها اقراها .. تم يكلمني عن الزعل وجي انا تميت ساكته واوني مندمجه فالجريده .. وارد عليه امم هيه اممم وجي .. جان يشيل الجريده من ايدي ويعتذر لي وبس .. جربي هالطريقه تراها تنفع ولو منو ماكان اماثر عليه هالدلع كله بيخليه ينسى اذا كان متعشي ولا لا ههههه
5 شوتسوين في حياتج يوم انت اتشكين فيه على الأغلاط الي سواه من قبل؟
لا اتمين اتفكرين شو سوا قبل وشو ما سوى … لان انتي اللي بتتكدرين .. خلاص الي فات مات .. وابدا لا تسألينه شو كنت اتسوي قبل ما انعرس … لان بتعورين قلبج على الفاضي … خليج في اليوم وباجر …
والله يسعدج ان شاء الله في حياتج ..
والسموحه طولت وايد فالكلام