عزيزاتي سيدات الإمارات الغاليات …
ما هي الا بضعة أشهر إن شاء الله و يكون في بيتنا طفل .gif "12 (73)")
عسى الله يسهل علينا .. و يرزق الكل الذرية الصالحة
طبعا بدينا بالتجهيزات بشكل تدريجي ..
و لكن فاجئني زوجي ذاك اليوم و انا قاعده اتنقى بين مجموعة اللهايات
قاللي: هااااا.. شو مودنج هاك الصوب؟؟ اللهايات فصوب و عيالنا فصوب! ما نبا نعود عيالنا عاللهايات! .gif "12 (66)")
في البدايه استنكرت هالفكره .gif "12 (102)")
.. بس بعدين صدق قمت افكر في الموضوع بجديه .. و حاليا تقريبا مقتنعة انه مالها داعي نعود عيالنا عليها ..
حبيت أطرح هالموضوع على أمل اني ألقى تفاعلكم و مجموعة كبيرة من الآراء اللي إن شاءالله بستفيد منها انا و خواتي اللي يهمهم هالموضوع
اللهايات شو ايجابياتها؟ شو سلبياتها؟
و صاحبات التجارب .. لاتحرمونا من تجاربكم .. شاركونا بآراءكم ..
خلوني هني احط بعض الايجابيات و السلبيات اللي يت في بالي ( يمكن توافقوني أو لا )
الإيجابيات:
1 – يساعد الأم في انها تسكت الياهل في حال كان يصيح و كانت مشغولة و ماعندها حد
2 – …؟
السلبيات:
1 – يؤثر على منابت الأسنان عند الياهل .. يعني يوم يكبر على طول تقويم
2 – فيها شوية خطورة من ناحية التلوث كلما طاحت اللهاية و يرد يحطها في حلجه
3 – و اللعاب يتجمع داخلها من وقت آخر استخدام لين ثاني استخدام! يععع هاي توني افكر فيها خخ فريشش
4 – في يهال يتعودون عليها لدرجة الإدمان لين ال6 او ال7 سنوات (احم انا و زوجي من بينهم .. خخ من جي متعقد الريال)
انتو مع اللهاية؟ أو ضدها؟ و ليش؟ سواء كنتي أم أو بنت أو اخت .. شاركينا …
و ان شاء الله ناويه اجدد الموضوع بحيث اضيف كل فكره يديده انطرحت من قبلكم سواء كانت ايجابيه او سلبيه ..
عسب اسهل عاللي حابه تاخذ فكره شامله عن الموضوع بدون ما تمر على كل الردود
بانتظار آراءكم القيمة .. .gif "12 (7)")
كل ما ابا اشتري المصاصة يقوول ماحب سوالف الدلع هاي ههههههههههههه
ونا ويااااه اصلا
ضــد المصاصاااات (اللهايااات) 
وعن السبب
مافي سبب معين
بس احسها ماله دااعي والياهل بيتعود عليها عقب
وما بيسكت لين يحصل عالمصاصة ..
ومب حلوة هاي العاادة
ويالله تعااالي عقب وعوديه يسكت بدوونها ..
الوحدة تتجنب هالشي من البدااية احسن لهااا
ومثل ما شفتج ذااكرة ان المساوئ اكثر عن الايجابيااات
بس بعد ما يندرى يمكن اغير رايي خخخخ اذا شفت البيبي وااااااااااااااااااااااااااااااااااايد يصيح
وعن تقويم الأسنان احس ما يخصه أنا كنت من مدمنات اللهايه يوم كنت صغيره والحمدالله ضروسي مب متأثره احس هالشي مايخصه في انواع من اللهايات اللي تخرب الضروس
أنا مع الفكره ومرتاحه منها
انا طبعآ ضدهااااا لاني شريتها لبنتي يوم كنت في فترت الاربعين من كثرماكانت إتصيح .gif "12 (3)")
وسكتت عليها.gif "44 (27)")
ورتحت من اصياحهاا عقب فتره البنت ماطاعت تمصهاا إستغنت عنهاا
بمص اصابعهاا والحين صارعمرهاا 3 سنوات وهي ع الحال فنصحكم ماتستخدمونهاا ….
وشكل الياهل كيوت فى المصاصه لكن لما يكبر يكون شكله شششين شكله وهو ماسكها
وعن النظافة تراها اتيي مع بوكس يحافظ عليها من الوسخ