اللهم اجعله من نصيبي وزوجي عاجل وليس آجل دشوو بسرعه

مستحيه بس مالي غيركم اقول واطلع الي في خاطريه ..
بنااات فيه منكم يمكن متذكر سالفتيه .. انه خالتي قالت بتيب ريال يبي يخطب
وامي رشحتني انا .. وطبعا امي فرحتني وايد وقالت انه زين .. وقمت افكر فيه وايد
والستنى اليوم الي بيي بيتنا .. مر شهر .. والريال بعده ما شرف ..
ويهي صار لوح تصدقون قمت اقول لامي شوفي الحرمه ليش ما يابت الريال
مع اني في حياتي ما صارت مني هالرمسه .. من كثر ما انا تمنيت هذا الريال حتى من قبل لا يشوفني او اعرفه او يعرفني
بس بيني وبينكم ( انا شفته السنه الي فاتت من الدريشه ) واهو شافني صوره ..
لانه اهو ييه السنه الماضيه وقال لاخويه انا ما اقدر ايب اهلي الاسباب ذكرتها قبل .. بس اسباب اقنعتني .. بس ما اقنعت اخوي .. بس بشهادة الحرمه انه الريال ريال وما عليه كلام وحتى اخوي سال عنه في دوامه قال انه زين .. بس ما يصير ما اييب اهله ..
بنات لا احد يقول انه مب زين ومن هالرمسه لا اهو زين صدقوني .. لكن ضروف اهله ما احب اذكرها في العام
المهم هو سار ولف ودار ويرجع ويقول للخاطبه اريد بنت من عند هذيج الحرمه قصده ( امي )
لكن الخاطبه عارفه انه اخوي قاله ما تيي الا باهلك ..
المهم بعدها خطب واحده وكتبو الكتاب وملجوا وسو حفلة الملجه وعقب ما تفقوا .. ( الله واعلم عن الاسباب ) وطلق
ورجع وكلم الخاطبه وقالها اريد بنت من عند هذيج الحرمه قصده ( امي ) وقال للخاطبه انا مستعد ايب عمي ولا ابوي ..
المهم الخاطبه كلمت امي تقريبا من شهر 5 واهيه تكلم امي وتقولها الولد زين ويبيكم وشاريكم واهو خلاص قال بيحاول ايب حد من اهله
المهم امي تقريبا في اول شهر 7 كلمتني وقالتلي شو رايج .. قلت لها اذا اهو زين انا موافقه
قالت خلاص بعد اربع ايام كلمت الخاطبه وقالت خليه ايه .. قالت الخاطبه خلاص بكلمه ..
بعد يومين امي شافت الخاطبه في مكان قالت لها وين الولد ما ييه
قالت الخاطبه اهو عنده زاام وان شاء الله بيطلع من الزام وبيي
المهم تاخر واااااااااايد وانا قلبي على نار .. خاطري يكون لي بيت وحياة واسره
احب العيال وتمنى يكون عندي عيال .. العمر يمر فينا وصرنا نكبر بدون ما نحس
مافيه بنت ما تريد تعرس كل البنات يريدون يتزوجون .. وانا بعد مثل اي بنت
تتمنى انها تتعرس ..
المهم انا تجرات وقلت لامي كلمي الخاطبه ليش ما ييت ..
امي ما وجعتني ولا قالتلي ما تستحين .. بالعكس شلت تيلفون وكلمت الخاطبه ..
يوم امي اتصلت للخطابه .. وقالت لها الخطابه انه الولد بعده في الزام في الحمره ( اهو يشتغل في القوات المسلحه )
امي قالت اها يعني اهو في الحمره قالت هيه بعده ما اتصل فيني وكلمني .. وامي من كلمة الخاطبه احينه من اسبوع .. واهو اصلا من راس الخيمه وانا من العين
المهم يا بنات .. انا عمري ما جذبت حد بس خايفه تكون الخاطبه تجذب . الستغفر الله
وخايفه تكون ودته عند ناس ثانين ..
لاني فعلا من امي كلمتني في الموضوع ما هدى بالي وكله افكر متى بيي بيتنا
الحين هالكثر الزام في الحمره يطول .. يمكن احينه بيكمل شهر وبعده ما ييه..
ما ادري ليش هذا الوحيد الي قعدت افكر فيه .. الله يكتبه من نصيبي
انا كله ادعي واقوم الليل ودعي بس بعد تاخر .. يقولون لو تدعون من الخاطري القدر يتغير ..
وانا ادعى من كل قلبي انه يكون زوج صالح لي ..