اللهم فرج همي وهم المهمومين آمين

خواتي ابغى دعواتكم لي بان الله يسهل اموري ويهدي لي ريلي ويحنن قلبه علي وارجع لبيتي وانا معززه

صارلي خمسة ايام وانا في بيت اهلي و ماقادرة افكر من الهم كيف راح يصير لي ولبنتي اذا مارضى ريلي بشروطي …….. ادري تبون تعرفون شو المشكلة بس موقادرة اكتب من الهم انا من النوع الي يكبت مايطلع الي في قلبه

مابغي منكم غير الدعوه الصادقه يمكن فيكم الانسانه الصالحه الي دعواتها مستجابه

انا اكتب ومنحرجه منكم

الله يهديه ويحنن قلبه عليج ويسهل امورج والله ادعليج من خاطري

ربي يسهل عليج امرج
ويفرج عنج كربج ..
ويهون عليج ضيقج ..
ويرزقج خيره عاجلا غير آجلا
ويحنن قلب ريلج ويضع فيه الرحمه والود
ويشملج معاه في بيت واحد ..
توكل على الله يا الغاليه ..واكثري من الاستغفار وقولي لا حول ولا قوة إلا بالله

طلعي الي في قلبج حبيبتي مب زين لج .. وبعدين حاولي تضحين وتتنازلين .. كل واحد يتنازل شوي وان شالله اتمون لبعض

الله يحقق الي في بالج ان شالله وتنحل اموركم ..

الله يفرج همك حاولي تتنازلين شوي مالك الا بيتج و عيالك

الله يفرج همج عاجلا غير اجل