الله من الهم اللي فيني نزلت الموضوع ساعدوني

والله حاسه عمري بموت من القهر والسبة ريلي
صار لي الحين يومين من خلصت النفاس وطفلي مو مخليني انام لا ليل ولا نهار والنفسية ****ة
بس اللي بيقضي علي زوجي
السالفة انه من قبل الولادة وهو يواعدني اني لا طلعت الأربعين بيحجز لنافي افخم فندق ويخيرني وانا مبسوطة ومصدقة عمري
والحين صار يومين من طلعت النفاس وهو ولا سائل طبعا انا من قبلها بعشر ايام وانا استنى متى يخبرني واحيانا اقول بيسويها لي مفاجأة
لكن اليوم تأكدت انه ماله نية وامس وداني مشغل وصبغت شعري قلت يمكن يحس على دمه ولا فيه فايده طنش الموضوع يابنات ولا كأنه مواعدني وهذا اول طفل لي والله احس اني بنفجر واحاول اهدي نفسي واقول ان السالفة تافهة وماتستاهل بس والله فيني ضيقة مايعلم بها الا الله اااااااه
ولس مامر على زواجنا ثلاث سنين احس اني متزوجة شايب
كنت ناوية اروح السوق واقضي ماخليت شي ماكتبته بس هونت وسد نفسي الله يسامحة
يابنات انا بعيش طول عمري كذا معاه حتى ذكرى الزواج الأولى مرت علي والله بغيت اموت من القهر وندمانه اني سكت وما سويتها سالفة تصوروا ذيك الليلة سهران مع اخوانه في البر وانا في البيت الحين صار يتمادى وانا من النوع الساكت واللي استحي ما اعرف اتكلم على طول بكاء
الحين ا ش اسوي يابنات لأني مستحيل اخليه يلمسني وهو ماكلف نفسه حتى بهديه مع ان عنده فلوس والحمدلله
وهو انسان طيب ومايقصر معي بس شوي عصبي وهذي الحركات تحرق دمي وطول اليوم معصبه عالبيبي بسبته الله يسامحه (
الحين ابي رايكم يابنات اخاف تصير مشكلة وانا اهلي مايشجعون الوحدة تجيهم متخانقة مع زوجها وبنفس الوقت كيف احسسه بتقصيره معاي
كيف اتصرف صبغت شعر ي وياخسار الفلوس والله لو ادري انه بيطنشني كان لبست خيشه وباقي الأغراض ما اشتريت شي كنت ناويه وناويه بس الله يسامحه
الحين مدري كيف اتصرف معاه الأسبوع الجاي انا عشان الفشلة قلت له اني ماطهرت عشان احفظ ماوجهي بس مصيره يشوفني وانا اصلي ويعرف
والله يابنات انا تعبانه من هالموضوع مع انه تافه بس ماقدرت يمكن النفسية والبيبي لها دور
امانه ساعدوني بارائكن بسرعة
والله لايحرمكم الأجر

فدييييت ورحج ,, اول شي مبروووووك على البيبي ,,, والحمد لله على سلامتج ,,,

وثاني شي ,, الغاليه لا اتضايجين بعمر والله الدنيا ما تسوى ,,, كل شي ايي بالهون ,,,

حبيبيني اسمحيلي يمكن انا ما افيدج لاني ما اعرف شو انصحج فيه,,,

انا زعلانه منج ,,, ناس مب محصلين الضنا وانتي اتحطين حرتج بالبيبي ,,, شو خصه ,,, والله ان عيني ادمعت ,,,

اسمحيلي ,,, لاني تدخلت وما عطيتج حل بموضوعج الاساسي ,,,

الله يرزقني يارب ,,, يارب ,,, بالذريه الصالحه ,,, ويرجع ريلي بالسلامه

السلام عليكم ورحمة الله …

حمدلله على سلامتج حبوبه ومبروك ما ياكم ..

أختي يمكن لانج اول مره تحسين بمسئولية طفل ومن ضغوطات الحمل والولاده أحس انج كبرتي الموضوع ..

ما عليه اختي يمكن انه نسى انشغل او اي شي ..

اختي حط لاخوك المسلم 70 عذر ..

ما عليه اختي انتي سولي اللي عليج بالكـــــــــــــــامل ..

وسيري السوق واشتري اللي تبين واتدلعي بعد فوقهم حبة ..

وذكريه وان شاء الله بيوديج ..

مب معناته انه ما وداج الفندق انه شايب اختي ..

اختي انسان عايش معاج ومرتاحه وياه ومب مقصر معاج تعيشون فبيتكم احسن من انه ما يخلي مكان ما يوديج وانتي مب مرتاحه معاه ..

اختي لا تكبرين هالموضوع والايام يايه ان شاء الله بتسيرون وبتيون ..

شلي من بالج الامور وعيشووو ايامكم وافرحوو واتحملي عالياهل هذا امانه عندج ربي يخليه لج ..

وبغيت اذكر بحديث الرسول صلى الله عليه وسلم عن اللي ترد ريلها باللي يباه تبيت الملائكة تلعنها حتى تصبح …

وانتي ان شاء الله انسانه فيج الخير وما بتقصرين وربي ايسر اموركم بما فيه خير لكم بالدنيا والاخرة ..

حبيبتي وااايد عادي الرياييل جيه .. ما يعرفون انه هالاشياء تعتبر شي مهم بالنسبه لنا
عيل اشرايج انا فعيالي ولا مره ياب لي هدايا .. ولا طلعنا فندق ولا شي … في رياييل
رومانسين .. وفي لا .. ريلج من النوع الثاني … تاقلمي ويا وضعج وما يسوى تزعلين
عمرج .. وحرام نفسيتج عقب بتتعب زياده .. سوي اللي عليج .. وخلاص .. ومب زين
تكونين طاهره وتقولين له انه بعدج اعتقد على حسب علمي انج تتاثمين .. صيري انتي الاحسن
والله يجعله لج مثل ما تحبين يارب …

حبيبتي وااايد عادي الرياييل جيه .. ما يعرفون انه هالاشياء تعتبر شي مهم بالنسبه لنا
عيل اشرايج انا فعيالي ولا مره ياب لي هدايا .. ولا طلعنا فندق ولا شي … في رياييل
رومانسين .. وفي لا .. ريلج من النوع الثاني … تاقلمي ويا وضعج وما يسوى تزعلين
عمرج .. وحرام نفسيتج عقب بتتعب زياده .. سوي اللي عليج .. وخلاص .. ومب زين
تكونين طاهره وتقولين له انه بعدج اعتقد على حسب علمي انج تتاثمين .. صيري انتي الاحسن
والله يجعله لج مثل ما تحبين يارب …
ماقصرت ياروح الورد علي نصايحج المفيدة والله يوفقها وتسلميييييييييييييييييييين

بسمالله الرحمان الرحيم

اول شي مبروك البيبي … و بعدين حرام عليج ناس مب محصلين يهال و انتي معصبه على هالبيبي اللي لو حطيتيه في الضو ما حس و لا اشتكى…

وانتي الحين هذا الشي اللي زعلج هههههههههههههههههههههه اسمحيليه بس ما يستاهل هذا كله …عيل انا شو اقول … شهر عسل اسبوع في صلاله و رديت… الناس ايسيروون الفنادق وايباتون وايغيرون جو..وانا لا…

كل اللي حولي طلعات وسيرات دبي و كشتات وانا الوحيده اللي اتم في البيت… والله ثم والله انيه اتشفق المطعم … وامس بعد حنه و زنه سنه ونص وداني… وسويت دراما بعد هههههههههههههههههههه

ليش تزعلين ..صراحه سبببج ما يسوى … لانه في ناس اكثر عنج… يعانون انتي صراحه من كلامج لله الحمد ريلج مب مقصر عليج…

انزين عشان تهون عليج زعلج بخبرج بشي…انا بنتيه ما زهبتلها شي …حق الولاده سرت يوم وواحد بسسسسسسسسسسسسسسسسسسسسسسسسسسسسسسسسس حق اييوب وخلاني ريلي اشتري كل شي ..و مبيت في بيت اهليه ماشي …شو رايج..توني اصغيره و ما ابات …و غير جيه يوم بغيت اشتريلها سامان قالي ماشي طلعه و يوم طلعت بعد صياح و انواح عشان البس بنتي فستان مثل العالم و الناس وداني وهوه زعلااااااااااااااااان …

بكل امانه مكبره الموضوع..و مافي داعي و استهدي بالله و لا تحرمينه من حقه … تراه بنات اللي برا على افى من يشيل…

وانشالله هانت عليج مصيبج ..لانه في غيرج اكثر عنج والله انيه مب زعلانه على حياتي متقبلتنها بالطول والعرض و الحمدالله والله يرضينا انشالله

مع حبي (لأ تزعلين منيه اوكي)

اختج في الله