الله يجزيها الجنه اللي تدخل وترد علي

السلام عليكم ورحمة الله وبركاته ..

شحالكن بنات ان شاء الله بخير ..

خواتي منو فيكن تعرف دكتوره حق الشعر ابغي اسير عنها شعري يتساقط واااايد ..

الله يخليكن خبروني اذا تعرفون مستشفى زين ومجرب او زيت او اي شئ يمنع التساقط.. الاهم انه مجرب مو تقولون سمعت عنه ابغيه مجرب لاني تعبت والله ..

اللي تساعدني بدعي لها كل يوم..

اللهم يامن غيرة لايعبد .. وسواة لايقصد .. وقضاؤة لايرد .. وصفتة(أحد صمد لم يلد ولم يولد ) اعط هذه الأخت دعوة لاترد .. ورزقا لايعد ..وبابا الى الجنة لايسد

روحي مركز نايه الطبي الا ف ابوظبي ف وحده متخصصه لشعر يمدحونها …….

أنا شعري كان يتساقط بعد وتقريبا صلعت وما خليت شامبو الا واستخدمته يعني جربت كل الانواع تقريبا ونفس المشكله لين ما جربت شامبو اسمه brilliant brunette مثل المعصار العود ويكون مجلوب يعني مب علبه يكون معصار بصراحه من جربته شفت شعري وااااايد خف تساقطه الحمد الله ….هو هالشامبو مكتوب عليه للشعر الخفيف بس بعده شعري خفيف ماعرف شو اسويبه بس خف التساقط ….انا هاااي تجربتي

جربت اسير عند دكتوره وعطتني ادويه وكورسات بس من اودره يرد شعري مثل قبل

حبيبني في دوا رهيب سمعت مذيعة فالتلفزيون تتكلم عنه وجربته علطول لاني شعري كان يتساقط والحين راح التساقط الحمدلله
بلازيوت بلا خرابيط وانشالله ناوية انزل موضوع ف قسم العناية بالشعر عشان البنات يستفيدون منه

حبيبتي نصيحتي لج بالاول سيري عند دكتوره وافحصي على دمج لان إذا عندج الله لا قال فقر دم صعب العلاج لان من بين علامات فقر الدم تساقط الشعروعلعموم لو كان فيج لازم تتعالجين وعقب ما تتعالجين بيستوي ممكن تتعالجين خارجيا وبعد النفسية تلعب دور هالكلام هب من عندي من عند دكتوره فمركز كوزموسيرج فالعين لان لو انتي من داخل مريضه (فقر دم )ممكن الزيوت والاشياء الثانية تنفعج موقتا لكن عقب بتردين لنفس المشكلة

الدكتوره ايمان اللي في عيادة الدكتور صلاح الربيعي في دبي

علاجهم هم الاثنينه جداً ممتاااااااز

اذا بغيتي رقم العياده خبريني وبطرشه لج على الخاص

البنات ما قصروو معاج

الله يوفقج