الله يخليكن ساعدني حتى احسن علاقتي ببناتي

السلام عليكم
الله يخليكن ساعدني حتى احسن علاقتي ببناتي

انا وايد اضرب بناتي وضرب مؤلم بالحيل– من يوم هن فبطني وانا اعاني خيانات ريلي والظغوطات –والحين بعد عرس علي وزاد في القهر واصفية فبناتي اعمارهن4ونص والثانية1ونص — اخاف ياثر فيهن لما يكبرن — ومن غير عنادهن الله يخليهن وضرابتهن وصراخهن –وانا وااايد عصبية واحر عمري حتى لو الشي بسيط
الله يخليكن ما عارفه شو اسوي؟

عليج الغاليه بالاستغفار
وبناتج مالهن ذنب ..حاولي تكتمين زعلج وغضبج جدامهن ..وانصحج اتمارسين الرياضه عشان اتفرغين الطاقه اللي فيج وان شاء الله مع الايام بيتغير تصرفج ويا بناتج وبيحبنج ..وحاولي دايما اتقربينهن لج

والله يوفقج

حرام يا اختي هن مالهن ذنب استغفاري الله وامسكي ايدج عنهم وادعي الله يعينج على تربيتهن ترا من وراهن الله يكتبلج الجنة

يحليلهن بعدهن صغار ومايعرفن شئ

لا تخلين غضبج من ابوهن يسيطر عليج…وان شاء الله بينفعنج هالبنات الله يبارك فيهن.

لاحول ولاقوة الابالله العلي العظيم

استغفري ربج بنات صغار ومالهن اي ذنب فابوهن

سبحان الله العيال يحنون على الام يوم يكبرون عامليهم بالطيب

كلما حسيت انه فيش قهر او غيض فكري بشي ايجابي..اذا حسيتي انه رياش خلاش قولي برايه الله عطاني بنتين الحمدلله و بربيهم و بعلمهم و بخليهم احسن ناس…بناتش بينفعوش و الله و بعدين هم صغار يعني المعاملة الطيبة و الحب وايد بيأثر فيهم…انتي ترومي تسيطري على اعصابش و دايما حضنيهم و قولي لهم انش تحبيهم وايد و مستانسة انهم بناتش..بنتش الكبيرة بتفهم هالشي بسرعة و بتسمع كلامش و الصغيرة بتقلدها على طول…
الله يعينش اختي بس دوم فوضي امرش لله و قولي الحمدالله حتى و انتي متضايقة تمي قولي الحمدلله و صدقيني الله بيفرجها عليش..
الله الله ببناتش لانه ما بنفعش حد غيرهم و هم مالهم غنى عنش..اذا عاملتيهم بهدوء و حب صدقيني بتشوفنهم نفس الشي ..ركزي اهتمامش فيهم بتنسي الدنيا و مافيها..
الله يعينش ان شالله و يسر امورش كلها

حرااااااااام عليج يوم بيكبرن بيكرهوووونج