الله يرد كيدها في نحرها اللهم امين

ثاني وثالث سنة تميت احتسب امري الى الله بروحي بيني وبين نفسي ولا عمري رمست عنها بالشين او باي شي ثاني ، لاني معتبرتنها هوااااء فاسد في المكتب ويانا .. والحمدلله رب العالمين انه رب العالمين خذ حقي منها سواء في الدوام او في حياتها الشخصية ..

في الدوام الناس يتعاملون معاها بس يرمسون عنها بالشين بمجال العمل ، هي والله شاهد ما عندها سوالف بطالية لكنها انانية وحقوده ودوم ظنها سيئ بالناس كلهم عسب جيه في الدوام يرمسون عنها
واهلها وربعهم كلهم ما يدانونها وهالشي انا متاكده منه لاني كل ما اشوف حد يعرفها من اهلها طاح فيها ورمس عنها بالشين لانه طبايعها في الدوام نفس طبايعها مع اهلهم .

انا قبل كنت احاول اكلمها واهديها لكن عقب ما ظهرت حقدها وانانيتها عليه ، هب انا اللي ابتعدت هيه اللي ابتعدت ، والحمدلله رب العالمين رب ضارة نافعة .

هيه اتصلي وما تخلي سنة الا ما تصليها ، لكن شو فايدة الصلاة ان ما كانت تنهي عن المنكر وتنقي النفس من الحقد والكره والانانية . هالشي بينها وبين ربها ، لكن ما ادري هل صلاتها مقبولة !؟!؟!

انا اعرف عنها امور لكن والله عمري ما رمست ولا قلت شي لاي حد عنها ، لاني اعرف انه الناس بيطالعونها بنظرة ثانية اخس عن نظرتهم الحالية .

المشكلة انه مديرنا وايد يسمع كلامها لانها نافعتنه في اموره الخاصة ، وانتوا اتعرفون انه اي مسؤول لازم يكون معاه ناس يا اما ينصحونه بالزين او ينصحونه بالشين ، والله مديرنا عسل وبابه مفتوح لكل الناس ومعدنه طيب ، لكن للاسف هالانسانة مخربه ، والمشكلة انها حاطتني في بالها ودوم من اسوي شي سارت واشت وخربت وحبطت من قيمة اي شغلة اسويها بالرغم من انها تطويريه وتنفع الشغل ، لكن لانها حاطة حلجها على اذنين مديرنا وتنقل له الموضوع بطريقة معكوسة يسمع كلامها ويلغي اي شي انا اسويه او حتى زملائي في العمل يسوونه ليش بس لاني انا في الموضوع ّ!!!!!

والله العظيم انه مديرنا اليوم يالس يقولي انتوا شو ابداعاتهم شو الاشياء اللي طورتوها في ادارتكم !!!!
خاطري ارد عليه واقوله ( شلها من ادارتنا وبتشوف احنا شو بنسوي ) حسبي الله ونعم الوكيل

يا ناس هيه فص ما ينشاف لكن هيه نافعه مديرنا وهالشي اللي مبهدلنا ، ولا تقولون وضحي وجهة نظرج للمدير ، لانه اكثر عن موظف ( رجل وهب سيدة ) كلم مديرنا عنها ومافي فايدة !!!!