الله يسهل علي وعلى كل حامل ان شاء الله
ويرزق كل محرومه باذن الله
حبووبات
انا آخر موضوع حطيته انه كان مفتوح عندي 2 سانتي((ولله الحمد))
مع العلم اني دخلت الاسبوع 37 ولله الحمد
ماشاء الله..ولا اله الا الله….والله اكبر واعظم
قبل يومين سرت للدكتورة وقالت انه فاتح عندي الحمدلله رب العالمين
وامس سرت سويت فحص دم وفحوصات ثانيه وسويت سونار
والحمدلله الحمدلله الحمدلله كل شي طبيعي
بس الياهل صغير وما في مشكله في اي شي ولله الحمد
بس انا من طلعت من المستشفى بعد ما عرفت انه فاتح عندي
وايد اكح ولازم فاليوم ارجع مره او مرتين بس كميه بسيطه جدا جدا
امممم نفس كميه الماس اللي فنجان القهوة…شويه بس
اما اليوم بعد ما شربت زعتر رجعت كمية كبيرة
مع انه هذا مب اول مره اشرب فيه زعتر
والشي الثاني يزيد علي العوار وايد وايد فالظهر والبطن
بالليل خاصتن يسير ويرد بس مب عوار الولادة
اللي يسير ويرد بشكل منتظم
ما ادري اذا انفتح عندي زيادة ولا…لا؟؟
مع انه الدكتورة قالت لي لما يزيد تعالي
بس انا لما يزيد اتمشى واستغفر واشرب ماي زمزم مقروئ فيه
واقرا ايات تسهيل الولادة..وما ابي اسير عندهم عشان ما اتبهدل
وبعد باجر عندي موعد عندها وبشوف كم فاتح؟؟
انتي نصحتوني اشرب زعتر واكل تمر واشرب عسل
وانا الحمدلله اكل تمر واشرب عسل
بس لما شربت الزعتر رجعت
هل هالعوار اللي اييني بالليل..انه الرحم ينفتح عندي
ولا شي عادي؟؟
واني ارجع كل مره يدل على شي؟؟
ومشكوورات حبووبات
الله يسهل علينا يارب
ويرزق كل محرومه باذن الله
؟؟؟؟؟؟؟؟؟؟؟
من تجربتي في ولدي من 6سنوات كان الوجع مثلك يروح ويجي وخاصه في اامساء نصيحه مني اشربي حليب مع زعفران وكثري من اكل التمر وتسبحي بالماء الدافي كثر ما تتحملين وحاولي ما تتعرضين للمكيف بعد السبوح واذا حسيتي بالوجع امشي قد ما تقدرين ولاتنسين اكثري من الاستغفار والقرآن
والله يقومك بالسلامه وادعي للجميع بالخير
عندج الام ولاده يعني نفس مغص الولادة يعني طلق خفيف
اللهم سهل ولادتها وارزق كل وحدة تتمنى نونو
ااااامييييين
مب مغص خفيف حبووبة
احس بعوار شديد وما اقدر اروح المستشفى
لانهم بيبهدلون فاحسن اتحمل
واكثر من المشي والاستغفار واشرب ماي زمزم