اللولب

إلي مركبة لولب تخبرنا عن خبرتها متى ركبته ومتى شلته في أيام الدورة تشيلة ولا عادي أي يوم متى حملت بعد ماشالته وشو استوالها يوم كانت مركبتنه وهلب كانت تستخدم منظف يوميا والتحملية بعد كل دورة

انا ركبت من اربع شهور
ما يعور يوم تركبينه بس اول يومين حسيت بالم غريب في الرحم و عقب اختفى
و تميت انزف اسبووع ( مب نزيف بس قطرات دم )
و اول شي كانت الدورة اتيني كل اسبوعين و عقب انتظمت كل شهر
و الدم تزيد غزارته شويه و تطول مده الدورة يعني بدل 4 ايام استوت 7 او 8

مممممممم
و بس
بعدني ما شليته و ما استخدم لا منظفات و لا تحاميل و لا شي

انا حطيته بعد ما ولدت ابني الاول و للاسف الشديد لاني ماكنت اعرف اني لازم افحصه كل فتره و فتره….. حملت من علي الولب بعد سنه من ما حطيته… و كان الحمل لا علبال ولا علخاطر …

الحمدلله علي كل حال

المهم انج بعد ماتحطينه تفحصينه كل فتره لان احيانا لو شلتي شي ثقيل ممكن يتحرك من مكانه و تحملين ………….

انا الشهر الياي انشاء الله بكمل سنه من حطيت اللولب….
الحمد لله ما حسيت بشي يوم حطيته …. لاكن الدورة كانت غزيرة وتاخذلها 10 ايام في اول كمن شهر … وكلمت الدكتورة وعطتني حبوب والحمد لله من خذيت الحبوب ردت الدورة طبيعية …
وانا ما استخدم اي منظفات داخليه او تحاميل ….

مشكورا على المعلومات بس أنا ربعي دايما يقولن لازم اذا ما استخدمتي المنظف بتستوي إلتهابات وريحة كريهة وأفرازات صفراء علشان جيه أنا خايفة وهل الريال يحس به

لا حبيبتي الريال ما يحس فيه إلا إذا كان الخيوط طوال و لو حس فيه بأمكانك تقصرينهن عند الدكتورة..

أنا مركبته مرتين و كل مرة في الشهر اللي أشله اللي بعده أحمل مباشرة .. حاليا حامل و ماني عارفة أركبه مره ثالثة و لا أشوف لي صرفه ثانية..

متى شليتيه فيج الدورة كانت ولا لا