اللي استخدمت دوا لحب الشباب تدخل

السلام عليكم خواتي
اشحاااالكم عساكم بخير؟؟
بس حبيت أعرض مشكلتي اذا عندكم حد لها ويقول المثل اسأل مجرب ولا تسأل طبيب
المهم انا عندي حبوب الشباب من بلغت ولين الحين اعاني معرسة وعندي ولد المهم سرت لدكتورة جلدية (سعاد لطفي) مافادتني قالت لازم اعطيج حبوب وهالحبوب ما اقدر اعطيج اياهن وانتي تفكرين تحملين كنت في بداية عرسي وحملت وماخذت الحبوب ويبت ولد وانا ارضعه وقالولي ان هالحبوب ما يستوي آخذهن وانا حامل والا ارضع وان فترة العلاج تستمر 6 اشهر و6 اشهر زيادة ما احمل بعد عسبت آثاره تخوز من الجسم فالنقطة الثانية موب متأكدة منها فياريت تأكدولي اذا صح هالكلام والا لأ (ان عقب 6 اشهر العلاج ما افكر في الحمل عقب 6 اشهر زيادة يعني المدة سنة كاملة)
وجزاكن الله خير

للرفع

لا حبيبتي انا الي اعرفه انه ست شهور العلاج وعقب عالاقل شهر لين ما جسمج ينظف من اثار الكبسولات هاي وبس .. لانج تعر فين انها تسبب تشوهات ف الجنين..
اذا الحبوب عندج حالتها متوسطة او خفيف ما انصحج بهالحبوب لانها للحالات الشديدة والمستعصية..
استخدمي جل دفرين او دلاسين.. اثنينهم مضاد حيوي وحلوين للحبوب.. ينشفونهم علطول.. والاثا يبالها تقشير وانتهى الموضوع..

يزاج الله خير عالرد
موب لمشكلة عندي الحبوب وبس عندي رؤوس سودا وهذا كله من الدهون وسرت عند دكتورة ألمانية قالت يبالج هالحبوب من توقفين رضاعة تعالي
بشرج الله بالخير طمنيني 7 اشهر اهون عن سنة

أنا مرتين استخدمت الحبوب يعني كورسين منفصلات .. و بعد تقريبا سنتين ايرد حب الشباب .. لانه بشرتي دهنيه وايد .. مع انها ايقولون ما تعيز بسرعه بس اتلعوز في أحلى فتره اللي هيه الشباب ..

حاليا استخدم كريم و غسول و مرطب من أمريكا مخصوص لحب الشباب اشتريته من النت من موقع Acne.org دشي موقعهم و شوفي الآراء, هو عباره عن مادة Benzoyl Peroxide مخففه بنسبه الربع من اللي ينباع عندنا و يصلخ الويه .. هذا بس ايجفف و يمنع تكاثر البكتيريا المسببه للحبوب .. من أول اسبوع خفن الحبوب و الحين ما يطلعلي شي ..

استخدمي اللي ترتاحين له .. و ما انصح بالحبوب الدوا لانه انتي متزوجه و في احتماليه للحمل ..
فالكريمات الموضعيه ضررها أقل بوايد من غيرها .. و إن شاء الله يتعافى الجميع من حب الشباب و يخلي كل الشباب حلوين .. اقصد الشابات …..

اظني انتي تطرين روكوتين اللي تيج نص حمرا ونص بيضه

اكيد حبوبه هاي تأثيرها واايد قوي بالعادة بالمستشفيات الحكومية يوقعونج على ورقة عشان تتعهدين انه خبروج بمضارها لان ممنووووووووووووووع تحملين

انا طبعا استخدمها من فتره وبشرتي واااااااااااااااااااااااااااااااااااااااااااايد دهنية ومن رابع يوم شفت النتايج الحمدالله تخلصت من كل الدهون وتخلصت من الحبوب بس طبعا مازلت اكافح علشان العلامات المقرفه

بس لو انه حالتج مب شديده ويعني الحبوب اللي فيج تتعالج بكريمات عادي نصيحه لا تقربين صوبها لان واايد قوية بلس انها تسوي لج جفاف وحالة لله يعني جفاف بخشمج وبالعين خصوصا لو تبلسين عدسات بتتأذين والشفايف المرطب لازم يكون 24 ساعه ولا واايد بتتعبين

انشالله الخوات ايساعدونج