شحالكم حبيباتي ؟؟؟ عساكم مرتاحين
كل عام و انتو بخير بمناسبة قرب عيد الاضحى المبارك <<<< تو الناس خخخخخخخخخخ
طبعا كل وحده معرسه او مالجه تبا ريلها يحس فيها صح و لا لاء ؟
انتي تبينه شرات الخاتم بيدج تقولين يمين يقولج يمين و العكس صحيح
احس اغلب المشاكل اللي الحريم دوم يتحرطمون اللي هي ان ريلي ما يطلع و ياي و يطلع مع ربعه
يعني في بعضهم يواعدون حريمهم بطلعه يوم الخميس مثلا و تستوي سالفه و يعتذر لها و تتاجل الطلعة و طبعا اللي تمسك التيلفون و تعطييييييييييه من هالزين
بيني و بينكم هو صح انج بتحسين بضيجه شوي لانج مجهزه بس البعض منهم جي يسوي عشان يختبرج , و هني بتطلع شطاره كل وحده يوم ياجل مود الطلعه ابتسمي و قولي استانس بوقتك حبي
صدقيني بيحس بتانيب الضمير .
هاي النقطه مهم للمالجات
حبيباتي خلي هو يبتدي بالمسجات و بعدين انتي طرشي و خاصه المسجات
مثلا : حبيبي لازم يتغدى لانه حبيبتة تخاف على صحته ………… الخ
حتى يوم يمون ظاهر من عندج قوليله من توصل طمني عليك <<<<<<< صدقيني بتكبرين في عينه
حتى لو فتره ما قام يطرش او خفت اتصالاته انتي اطمني عليه بس مب اطفرين الريال ^^
الدعااااااااااااااااااااااااااااااااااااااااء و ما ادراكم ما الدعاء
شي وحده من العضوات كانت حاطه هالدعاء و حابه اشكرها و انا ادعيلها بكل صلاتي
اللهم اني استودعك قلب زوجي و سمعه و بصره و فرجه بانك لا تضيع و دائعك
اللهم اني استودعك نفسي و اهلي و مالي بانك لا تضيع و دائعك
يارب ازرع محبتي في قلبه و ازرع محبته في قلبي و خله يشوفني احسن و احلى وحده و انا اشوفه احسن و احلا واحد و تزرع الموده و المحبه بينا
و مب تنسون مع اليقين و التوكل على الله ريايلكم بيفكرون فيكم من اول ما يظهرون من عندكم
تؤبريني ع هالحكياات الحلوين ^^
ويزااج الله خير عنوووني
وكلامج صحيح ..
وبالنسبة للطمأنينه لازم الحرمة تطمن على ريلها ان كانت مالجة ولا متزوجة ,,
.. .. تعشيت اتغديت يوم توصل مثلا الشارجة طمني عليك .. .إلخ ..
بالعكس الريال وايد بيستانس وبيكون مردوده حلو اتجاهج .
..بتوفيق
لان عيب الريال ينقال خاتم بيد مرته وهالشي ساعات نشوفه بريايل مايهزهم جبال وكلامهم جبروت وعند حريمهم جنه ديايه وللاسف مايحترم حد حتى امه وابوه بس يحترم زوجته والسبه انه خاتم في ايدها بس ماقاديرين نقول له بويهه
والله ماارضى ريلي يكون خاتم في ايدي لان ماراح تكون له شخصيه حتى لو شو ماكثرت المشاكل الي بينا ولا انه يغلط على اهله وامه وابوه
مادري حريم هالزمن كيف يفكرون الله الهادي
لكن كلامج مقبول جدا وواضح وحلو تسلمين حبيت افضفض بس
والصدق عني انا بعد مااسوي ضجة وزعل وحالة عقب اكتشف مافي شي يستاهل على قولة ريلي ترى مشاكلنا تافه بس مااادري ليش انا ادووووووووس عالبنزين واحرق الاول والتالي
