اللي ترد علي الله يحرم ويها النار,,,,ويحقق اللي في بالها

السلام عليكم…
بنات انا بشرتي دهنيه
وفيها حب شباب ونمش وروؤوس سودا عالخشم وباهته
ابى منكم افضل ماركه لها ومع كل محتوياتها من غسول وتونيك وميلك ………..ألخ
وابى واقي من الشمس اوكي مايدهن على الويه

وسمعت عن كريم سودو وداباو اي منهم افضل

وبعد ملح الحليب ها اللي عليه صوره البقره اوكي ولا لأ

وياليت بعد تخبروني عن خلطات طبيعيه مفعولها قوي يبين من اسبوع عالاقل
هيه بعد ماي الورد الاصلي من وين احصله؟؟؟؟؟؟؟؟؟؟؟
انا من بوظبي

بليييييييييييييييييييييز ردو علي ضروري
الله يخليكم
مب تحدرون تقرون الموضوع وعقب تظهرون بدون اي رد لا تخلوني ازعل منكم….
لو مـــــــــــــــــــــــــــــــــــاشي رد ع طول عالاقل ارفعو لي الموضوع بكلمه او بدعوه حليوه

والله ماعندي فكرة بس ان شاء الله البنات يساعدونج

الغاليه انا استخدم كري تبيض وحده اتوفره النا وهو عباره عن كريم النهار والليل ايخلي الويه صافي وابيض والله انه ايخلي الويه روعه والخدود ورديه ويقضي على النمش ويطلع البثور من الويه بس اذا كان ويهج حساس ماانصحج تستعملينه وهو يقشر الويه بالبدايه بتحسين ان ويهج غير لانه يقضي على الطبقه التعبانه ويصفي الويه وهو عباره عن كريم صيني على ما اعتق

UP UP UP

ان شاء الله البنات يفيدونج

ان شاء الله البنات يفيدونج

بصراحه انا بعد بشرتي دهنية وفيني حب الشباب بس مستحيل اخذ راي احد لأن هذا ويهي وافضل تسألين دكتوره مختصه افضل من اي احد، لأن يمكن انا اعطيج معلومه لان بشرتي نفس بشرتج بس يمكن ما يفيدج ويزيد،،، حبيبتي لا تهملين بشرتج لان اذا هملتي وسويتي تجارب بيستويلج بقع سوده وديري بالج انصحج اتروحين عند دكتوره مختصه