شحالكم ان شاء الله مرتاحين ؟
هذا أول حمل لي وأبغي رايكم في مستشفى الرحبه الحكومي
عن غرفة الولاده والممرضات والدكتوره وغرف الفي اي بي =) ؟
اتريا ردودكم حباايبي
بس الصراحه الكل مدحهاا ما سمعت احد يذم هالمستشفى
بس انتي شوفي ردوود البناات يمكن يفيدونج اكثر خاصه اللي مجرباات فيهاا
و الله يسهل علييج 
ممم احيانا يكون عندهم ضغط فما تحصلين غرفة خاصة او في اي بي نفس الوقت يعني يقولون لك عقب ساعة مثلا او 6 ساعات
بس ربيعتي قالت ان معاملتهم اوكي
هذا والله اعلم
بصراحه وايد اوكي هالمستشفى من كل النواحي يعني المعامله و النظافه مب مثل الكورنيش ><
ودكاترتهم ممتازات واولهم العراقيه انعام وايد فنانه ومسؤولتهم ستيفاني انا سويت عمليه ماكانت ولاده طبيعيه
بس تحسينهم وايد يهتمون فيج صدق النيرسات الي في عنبر النساء او عنبر الولاده 98%
منهم مرحات ويسولفون وياج ويهدونج ويظحكونج كأنهم يعرفونج من زمان
اما الغرف انا ماقدرت اخذ في اي بي لاني تعابنه من الظغط ومسويه عمليه و اذا رحت ع هالقسم
مابيكون فيه لي اي اهتمام يعني ماشي نيرسات يهتمون فيني هذا كلام النيرس قالتلي لاتفكرين تنقلين هناك
لانه حالتي محتاجه متابعه بس مدحتلي اياه وقالت انه وايد حلو و كبير وشي غرفه للمريضه وغرفه للاطفال ومطبخ اعتقد
والغرف العاديه صح انها مب وايد وايد كبيره بس مب ظيقه وايد بعد و فيها تلفزون اهم شي مب نفس الكورنيش ><
والحمامات يديده ونظيف وينظفولج الغرفه 3 مرات فاليوم
هاه شو تبين بعد تراني استويت خبيره في هالمستشفى ههههههههه اعرف كل شبر فيه مب من شي من كثر ما خست فيه ^___^
دلوعة أبوظبي
الورده
تسلمووون حباايبي بصراحه ارتحت أشويه لاني كنت خايفه وايد
واتريا رد باقي العضوات =)
انا اختي تعبت في الولاده لان البيبي وايد صغير بس لما نادوا الاستشاريه ماشاء الله عليها ما طولت ربع ساعه الا وهي امربيا والحلوه في مستشفى الرحبه وايد يصبرون عليج وما يدخلونج العمليات الا اذا شافوا ما في فايده عكس الكرنيش الي مدخلين وحده وامطلعين الثانيه