اللي ريلها ساكن فالعين ويداوم ف بوظبي تدخل بليز

السلام عليكم خواتي
بغيت اسأل عن موضوع اربيعتي
مالجة
هم من العين
وبعد خمس شهور بتعرس
ريلها يداوم فالجيش
ف بوظبي
وعنده سكن فالمعسكر
وهي تدرس ف الجامعه الامارات
هي أتقول انه ريلها يقول ما يقدر يروح ويرجع كل يوم
تعب عليه وهو مرتاح فالمعسكر لانه يدوب يلبس ويداوم
يعني ما ينش من الفير ويجابل خط كل يوم
معناة انه بينزل بس فالويكند
بس هي تحاول وياه انه يروح ويرجع وهو يقول لها ما اقدر
هي متضايقة ما كانت تبا هالوضع انه بس اتشوف ريلها ويكند
مع انه ما شي فرق بين العين وبوظبي
يعني ساعة ونص او اقل
بس ريلها شكله متعايز انه ينش من الفير عسب يسوق وجي الحاله كل يوم
أنا أقولها صدق تعب عليه بس هي مصره أتقول لا عادي
أنتو شو رأيكم ؟
وبشو تنصحونها؟

الله يوفقها ويسهل امورهاااا""

بصراحه تعب عليه كل يوووم ماسك خط رايح و راد !!

وصدقه في المعسكر بيلبس وبيداوم ….

اذا تبى تقدر يشوف لهم سكن في بوظبي

وتكمل دراستها في اي جامعه في بوظبي …

بس انا ضد انه الواحد يمسك خط للدوام كل يوم …

الله يسهل امورها ويكتب لها اللي فيه الخير

ولاتنسين تقوليلها تستخير

لو دوامه شفتات بنقول

بس هو يوميا .. بيكون تعب عليه وايد

تكلمه تقوله لو يقدر يوفرلها سكن فبوظبي

أو يكلم حد عشان ينقلونه فالعين … وايدين اعرفهم كانوا يداومون فبوظبي فالجيش.. وراكضوا وحالتهم حاله ونقلوهم العين

أنا ريلي يداوم في أبوظبي وقاعد في سكن الدوام مع اني مب مرتاحة للوضع بسالمهم راحته هو حرام ياخذ خط كل يوم رايح راد لأن تعب عليه
بعد ما تخلص دراسة تسير عنده بوظبي
الله ييسر أمورهم

تعب عليه مسكين يوميا رائح وراد

احلى جي هذا حالي من سنين انا ونص ربيعاتي
ولكن ما تقصر في اهتمامها فيه علشان لا يلف ويدور
واهم شي العبادات والخوف من الله