اللي سارت ماليزيا ادش وتقوللنا شو خذت من هناك

خواتي اللي سارت ماليزيا تخبرنا شو خذت من هناك ويستاهل والا لا؟
من نوين نبا تفاصيل لاني لاحظت فئه كبيره بتروح ماليزيا فياريت تفيدونا

بصراحة ما خذت شئ من عندهم مووووول … ما عندهم شئ … كل شئ موجود في بلادنا … بانكوك سوقها أحلى بوااايد وفيها أشياء واااايد ممكن الواحد يشتريها …

صح حتى انا ما لاحظت فيها شي ممكن اجيبه

بالعكس ما ليزيا اسواقها حلوة..و كل مركز او سوق له ميزة

تدرين الناس اذواق

عند مركز ميغا مول ..متنوع ..و فيه محلات متنوعة.منها محلات الاحذية..و عنهم محل يبيع قطع اقمشة اسمه كمدار ..تقدرين تشترين منه قطع هدايا للحريم

و السوق الصيني تقدرين تشترين منه اشياء منوعة..مثل السوع التقليد ..والكابات

و بكمل لج الباقي بعدين لاني مشغولة الحينه

و السموحة

إنتوا تصدقون إن ريلي حالف ما يوديني ماليزيا مرة ثانية ع قولته شو فيها ..

الكنادر حلوة و الشنط بس مقاسات الملابس وايد صغيرة ما تحصلين مقاسات و المقاس 40 ما يلبس بنت مقاسها 36
يعني المقاسات عندهم ملخبطة
بس المطاعم الصينية كثير طيب الأكل فيها و عندهم مشاوي في ملازيا وايد طيبة بيسموها ساتيه و خاصة بالدجاج .
ماليزيا الطبيعة حلوة بتجنن على قد مو حلوة و بتحسي براحة نفسية و سعادة. اما تروحي تتسوقي عليكي بتايلند.

التسوق في ماليزيا راائع بشهر 8 عشان كل المحلات يسوون خصومات بنسبه 50 و70 % وخاصه في البرجين تلاقين الشنط الماركات الاصليه بأسعار جدا راائعه وعندج الملابس الداخليه وقمصان النوم وملابس اليهال كلها رووعه والفساتين اذا حابه تشترين للعيد اذا عندج بنوته من البرجين في الطابق الثاني محل خاص اعتقد اسمه الاميره الصغيره بس كله فساتين رااقيه واسعارها حلوه وتاخذين معاها الجوتي والتاج واسواره لليد