السلام عليكم يالحلوات اول شي الحمد لله على سلامتكم ومبرووك ماياكم والله يجعلهم من المواليد الصالحين يارب
حبيت أسألكم سؤااااااااااااال وبأمانة لله تردون بصراحة
ياللي ربيتون طبيعي الولادة تعور وتخوف ولا عاااادي
شو كانت نظرتج في آلام الطلق حسيتي أنج بتموتين ولا عااادي
ردوا لأني بدخل التاسع وخاااااااايفة والله خاااااايفة من الولادة انا بجر خبرونا تجاربكم وألامككم
عسب كل الكروووشات يستفيدون ومنو كانت خايفة من الولادة وعقب حستها سهلة مرة
الله يخليكم ردوا علينا وطمنونا الله يطمن بالكم ويفرحكم بعيالكم يارب
منتظرين مشاركاتكم وتعليقاتكم عالولاااااااااااااااااادة الحلوة ……………..؟…………..؟يارب
علو قولت اختي قرصه نمله خخخخخخخخخخخخ
بصراحه ما جربتها
اتمنى البنات يفيدونج
والله شو اقولج يختلف من وحده لين وحده انا عني تعذبت وايد في البجر من الويع لين قرروا يعطوني ابرة الظهر من خذيتها ارتحت الحمد الله وربيت وماحسيت بجسم الياهل ولاب الم بس حميتي ماشاااااااالله عليها ربت بسهاله اتقول حتى ماحسيت بالياهل يوم ظهر بدون ابره ولا شي ماشالله في ناس مايعانون وايد وولادتهم اسهل مما تتصورين وفي ناس يتالمون وايد انتي ماتعرفين انتي من اي نوع بس كل اللي عليج انج تدعين ربج يسهل ولادتج وانشااااالله تكون ولاده سهله عليج وعلينا كلنا يارب …
الغالية لا تحطين فبالج هالموضوع لأنج إذا تميتي اتفكرين وتحاتين الولادة وآلام الطلق واتخافين واتسمعين فلانة قالت ولادتي كانت عسيرة وفلانة اتقول الولادة اتخوف جنج بتموتين وهذيج قالت وهاي قالت فما بتخلصين فأحسن شي خليج ريلاكس ولا تفكرين وايد وحطي فبالج إن الله بيساعدج وبيهون عليج وعليج بالأذكار والأدعية الخاصة بالولادة. والألم بيروح أول ما اتشوفين النونو إن شاء الله وبتنسين كل شي يوم تحضنينه والله ها كان شعوري يوم ربيت قبل تقريباً ثلاث شهور فبنتي وكنت البجر..
والله يسهل عليج ولادتج ويتمم لج على خير ويبارك لج ..
والله يسهل عليج ولادتج ويتمم لج على خير ويبارك لج ..
انا مع الاخت نور
اختي حاولي كثر ماتقدرين انج ماتفكرين في الموضوع
والله انا كنت واااااايد وايد اخاف
لدرجة كل شي كان طبيعي بس من الخوف ربيت بعمليه
كانت نفسيتي وايد تعبانه وكنت وايد اخاف وماخليهم يسوولي شي
وربيت بعمليه
الله ايسر امورج يارب
سبحان الله ولا اله الا الله والله أكبر