الله يسلمكم ولدي من هو بو شهر وفيه زجام وبلغم وديته عند الدكتور عطاه دوا الكحه وبخاخ ودوا حق البلغم
استمريت كم يوم وما فاد احس
وقلت حرام صغير وياخد وايد ادويه .. الحين بعده فيه زجام وبلغم بس ع اخف الحمدلله
بس حبيت اسالكم شو احسن شي حق البلغم والكحه اقدر اعطيه ؟ شي طبيعي يعني الحين بيكمل 3 شهور ان شاء الله
سمعت بزيت سمسم ادهنه كل ليلة بس مااحس فيه فرق
بخصوص زيت السمسم عادي اعطيه وعمره 3 شهور ؟ كم نقط تقريبا ؟
هذا دكتور اطفال؟؟؟
شوفي اي دكتور عنده ضمير مايوصف ادوية حق الاطفال الرضع الا اذا شي يأثر على صحته
ولدي نفس الشي
الزجام قطرة ماي وملح معقم من الصيدليةوانا استخدم Tonimer، قطرة وحدة في كل منخر ثلاث مرات باليوم
واذا في شي جامد في خشمه بعد القطرة بدقيقة شفطي بشفاطة الانف اقوي وحدة من بيجون،، لا تنفخين في خشمه،، عصريها الاول بعيد عنه عقب دخلي شوية بس من طرفها وفجي يديج بتشفط اي شي عالق
البلغم والكحة: ادهن رقبته وصدره وظهره بزيت زيتون عصرة اولى على البارد مع شوييييية زيت الحبة السودا،، ماشاءالله بسرعة يريح،، انا مجهزة غرشة وعلى طول في غرفة النوم..
خليه مدفي عدل بس بدون مايوصل لدرجة التعرق
اذا البلغم شديييييد ومؤثر على شربه للحليب بخريه بجهاز مال الربو متوفر في معظم الصيدليات بس حطي فيه انبوب واحد ماي وملح معقم اللي في الانابيب البلاستيكية،، هو نفسه قطرات الخشم،، قبل النوم
الدكتوره قالتلي شغلي الماي الحار ف الحمام ويوم بيستوي بخار ف الحمام
خليها 10 دقايق او ربع ساعه , او رضعيها ف الحمام وهو فيه بخار
ونفعت ويايه الطريقة
الله يشفي بيبيج ان شاءالله
