هلا خواتي الحبيبات
بدخل في الموضوع على طول
شوفوا بنات انا صارلي فتره متزوجه وللحين ربي ماكتب لي عيال والحمدالله على كل حال يمكن بسبب بعض الظروف اللي مرينا فيها انا وزوجي … والصراحه بسبب ها الظروف ريلي كان دايما يأجل وما كان مهتم بسالفة لعيال لانه كان يدرس وكنا بعيد عن لبلاد ……. الخ مع العلم اني عمري ماخذت منع حمل بس ما كنا نهتم كثير بسالفة الحمل يعني ونسير مستشفيات نكشف وجيه كنا متوكلين على الله بس مرات يوم كنت أحصل فرصه او يوم تتأخر عندي الدوره اسير اسوي فحوصات علشان اطمن على نفسي والحمدالله كانت الامور طيبه
المهم الحين استقرينا في بلادنا ولله الحمد وأمورنا صارت زينه .. والحين بدا ريلي يفكر بسالفة لعيال ودايما يقولي أبا بيبي ^_^ وانا نفس الشي حسيت ان خاطري في بيبي يونسني ويسليني خاصه اني ماشتغل ولا ادرس يعني فاضيه طول الوقت … وخاصه اذا ريلي سار عني الدوام احس بوحده وبفراغ كبيررررررر
اكيد بتقولون وين المشكله؟؟
المشكله خواتي اني مرات احس اني تعودت اكون بروحي في البيت يعني يوم ايلس بروحي اقول في نفسي كيف بيكون الوضع اذا كان عندي بيبي ؟؟ يعني كيف بتصرف معاه ؟ خاصه اني مووووووول ماحب سالفة المربيات يعني اذا ربي رزقني ان شاءالله بياهل مستحيل أيبله مربيه لاني اكره المربيات .. ابا أربي ولدي على ايدي علشان يحس بحناني ولا كيف بحصل الاجر من رب العالمين
يعني بختصار قمت احس ان الاطفال مسؤوليه كبيره خاصه ان بعض ربعي وحتى اختي يحسدوني على اللي انا فيه يقولولي ياحظج مرتاحه من الصدعه تطلعين وتسيرين مكان ماتبين وتهتمين من نفسج لان ما وراج يهال يغثونج حتى مرات يدعولي بتوأم علشان احس بمعاناتهم خخخخخخخخخخخخ والصراحه انا استانس يوم يدعولي بتوأم لاني احب اليهال بس خايفه من المسؤوليه لاني انا حساسه وااااااااااااااااااااااااااااايد واحاتي واااااااااااااايد يعني تخيلوا اختي عندها بنت وولد اذا صار فيهم شي وايد أتعب وتم أحاتيهم جنهم عيالي وحتى وهم بخير دايما قلبي عليهم ودعي ربي يحفظهم يعني متعلقه فيهم بشكل جنوني ودايما أوصي أختي عليهم فكيف اذا كانوا عيالي شو بسوي ؟
علشان جيه خواتي كتبت ها الموضوع أبا كل وحده عندها يهال تقولي كيف كانت قبل لا يونها ها اليهال وكيف صارت بعد مايوها ؟؟؟ يعني شو اللي تغير عليج ؟؟ هل فعلا حسيتي ان المسؤوليه صارت أكبر ؟ وكيف قدرتي تنظمين وقتج بين عيالج وريلج وبيتج وبين الاهتمام بنفسج ؟؟؟ وعلى فكره انا وايد متعلقه في ريلي وهو بعد متعلق فيني واخاف اذا ياني بيبي يبعدني عن ريلي لان ربيعتي تقولي ان لعيال يبعدون الحرمه عن ريلها ويبعدون الريال عن حرمته لان ينصب اهتمامهم في عيالهم أكثر هل ها الكلام صدق؟؟ انا الصراحه ابا أتم مثل ما أنا مابا شي يبعدني عن ريلي
تكفووووووووووووون خواتي قولولي تجاربكم
الصراحة انا عن نفسي كنت اروح كل مكان قبل العيال ولا افكر في شي والحين انا عندي بنتين اتخيلي اني ما اروح مكان من الدوام للبيت وبس حتى ريلي ما قمت اطلع معاه واذا فكرنا نطلع لازم اليهال معنا ،، مسؤلياتي زادت اكثر ما عندي وقت لنفسي بس والله يااختي ابتسامة من اليهال تنسيج الدنيا ومافيها حلوين والله.
انشاء الله يارب يزوقج بتوأم تعب مره وحده.
المشاركة الأصلية كتبت بواسطة هيونة -دبي 
الصراحة انا عن نفسي كنت اروح كل مكان قبل العيال ولا افكر في شي والحين انا عندي بنتين اتخيلي اني ما اروح مكان من الدوام للبيت وبس حتى ريلي ما قمت اطلع معاه واذا فكرنا نطلع لازم اليهال معنا ،، مسؤلياتي زادت اكثر ما عندي وقت لنفسي بس والله يااختي ابتسامة من اليهال تنسيج الدنيا ومافيها حلوين والله.
انشاء الله يارب يزوقج بتوأم تعب مره وحده.
يزاج الله خير الغاليه على الدعوه الحلوه وربي يحفظ لج بناتج ويبارك فيهم يااااارب وبالفعل أبتسامة الطفل في ويه أمه تنسيها كل متاعب الدنيا ربي يسعدج يارب أسعدني مرورج الغاليه
ربي يسعدج يارب ويحفظلج البيبي ^_^
أنا عن نفسي..كنت أتخبل عاليهال..و كنت أيمع عيال الفريج وأهتم فيهم لين ما أمهاتهم يردون بدون ما أتعب "الإخت فاتحة حضانة"خخخخخخخ
و علاقتي بريلي..
بكمل بعدين..ولدي يصيييييح