اللي عندها احد مسافر الحين اوروبا او راجع من كم يوم تتفضل

السلام عليكم خواتي الغاليات ……………..

خواتي حبيت استفسر اذا هالكلام صدق والا لا :1 (25):

نحن حاجزين حق المانيا والنمسا وبعد اسبوعين بيكون السفر ان شاء الله

وحدة قالت شو اوديكم اوروبا كله تفجيرات ومشاكل ……… صج هالكلام لاني ما سمعت عن هالشي …….. فيا ليت اللي عندها حد هناك او راجع من كم يوم اتخبرني شو كانت الاوضاع عندهم ……..

ويزاكم الله كل خير

الغاليه انا كنت الاسبوع اللي طاف في سويسرا و24 ساعه كانو حاطين التفجيرات اللي في لندن والصراحه كنا خايفيين وايد من ها السالفه لانه مرتين صارت التفجيرات في لندن وما اعرف بعد وين بس الحمدلله على ما اظن سويسرا والمانيا والنمسا ان شاء الله امان الحياه طبيعيه كانت … وذكرتيني كنا راقدين في الليل ونشينا من صوت عالي تحرينا تفجيرات تقريبا الساعه 12 لين الساعه 2 ساعتين ورا بعض وانا اقول حق ريلي يمكن شي يحترق قال لي لا هذا يمكن شلق قلت له شلق ساعتين وهم اصلا يوم تصير الساعه 6 والا 7 يرجعون بيوتهم ويرقدون منو اللي بينقع شلق ها الوقت اتصل ريلي بالفندق من الخوف وقالو له فعلا شلق بس نحن كنا خايفيين من سالفة تفجيرات لندن علشان جذيه كبرنا الموضوع ان شاء الله تسيرون وتردون بالسلامه

الغاليه اختي كانت في النمسا نفس الفتره اللي انا كنت فيها في سويسرا ورجعت ها الاسبوع تمدحها وايد وتقول جوهم حلو وامان لا تخافين ولا تحاتين

هلا الغالية ………… مشكورة فديتج على الرد والواحد يتوكل على الله واللي كاتبه بيصير .

والحمد لله على السلامة مرة ثانية ………..

ربيعتي بيصير لهم شهرين في ألمانيا وللحين ماردو وهي قالت لي بأن بيتمون بس اسبوعين

وتلفونها مغلق من سافرت بس ان شاء الله المانع خير

هلا الغالية …….. الله يردهم بالسلامة ان شاء الله ،، ويطنج عليهم ……. اربيعتج سايرة علاج والا سياحة ؟؟ اذا علاج اكيد الفترة اطول

مرحبا ختيه .. لا تحاتين ختيه راده امس من النمساء و المانيا ماشاء الله ماخلوا مكان ماساروه

واتقول مافي شي وامان والحمدالله .. واهناك بعد عربنا وناس انعرفهم من غير ربعنا ايقولون مره

مافي شي الحمدالله وكل شي عال العال على قولتهم اطمني حبيبتي .. ومن ناحية لندن نحن العام كنا في

ميونخ واستوت تفجيرات فيها والعرب اللي فيها كلهم يوا المانيا والحمدالله ماستوى شي وانا كنت

كنت موجوده حزتها والحمدالله ماستوى شي اللهم لك الحمد والشكر .. مابيستوي لا اللي ربج كاتبه

سواء في البلاد ولا برع البلاد محد يرد المكتوب .. اتروحين وتردين بسلامه ان شاء الله عاده لا

تنسون الصور نبا تقارير عن الرحلات الحلوه .. اتمنى للجميع رحله سعيده وموفقه ان شاء الله

والسموحه عالقصور