شحالكم وشخباركم ؟ بغيت تعطوني رايكم بنوع الاكل اللي تحطونه لعيالكم لان انا بنتي بالحضانه ومحتارة بنوع الاكل اللي احطيه لها يعني ابغي انوع لها ؟ واغير لها كل يوم شي وخصوصا ان لازم تكون وجبتين ريوق وغداء
ياليت تعطوني بعض الافكار والاراء
ومشكوورين مقدما
هو صح الاختيار يكون صعب اشوي بس ع حسب عمرها
الريوق ممكن بيض
توست بالجبن
كروسون
دونات
فواكة مثل صنطرة و موز و تفاح
قطع خيار
وبين الوجبات :
عصير
فواكة
جيلي او كاستر
بسكويت
كب كيك
روب او روب بالفواكة
الغداء :
عيش و صالونه
برياني
شوربة
معكرونة حمراء او بيضة وتكو بالجبن
مجبوس
جي يعني خلي لها من غداكم من اليوم اللي قبله واحفطي عدل والصبح حري وحطي لها
اختي هاي قائمة صغير رتبي الاشياء كل يوم جربي لها ترتيب وعقب بتعرفين شو يعيبها وما بتحتارين
في الاول بيكون صعب بس عقب بتتعودين
ولا تنسين الماي اهم شي
واي استفسار راسليتي وانا حاضرة