الماستر والمقبول :(

السلام عليكم
بنات بغيت استفسر اذا في وحده خريجة مقبول من الجامعة وقدرت تاخذ الماستر أنا عند توفل وخاطري اكمل دراستي بس انا خريجة مقبول ..أبغيكم تساعدوني ارجوكم ريلي عنده دكتوراه ويفكر يكمل مابغي أكون اقل منه

ومشكورات

انا بعد ادور جامعه تقبل تاخذ بمعدلات قليلة بس تكون جامعه زينه
انا خريجة جامعه الامارات من كلية تقنية المعلومات وبتقدير جيد
انا من سنه تقريبا اتصلت على جامعه الشارجه وقالولي يقبول بمعدل 2 على الاقل بس الحين ما اعرف
انا بدور وبستفسر واذا عرفت شي بخبرج وانتي اذا عرفتي شي خبريني (لوسمحتي) لان هالموضوع وايد شغال تفكيري

مقبول يعني كم gpa .. اهم شي الجي بي اي يكون 3 .. بس فية بعض الجامعات يقبلون جي بي اي 2.2 ممكن تتصلين و تسألين..

عندج جامعة الشارجة
اي يو اس ( الامريكية )
و البريطانية في دبي

ما اتوقع يحطون بالشهادة مقبول اتوقع خريجة بمعدل ناجح

أختي عادتا جامعات تاخذ تقدير جيد جدا للدراسات العليا ….لكن هناك جامعات او كليات او معاهد خاصة اعتقد لا تنظر للدرجة والتقدير إنما البيزات……بس ان شاء الله دام نيتج صادقة بتحصلين .. واحين في البلد ماشاء الله يا ماتشوفين الجامعات والكليات يسوون اعلانات في الجرائد للماستر دون شرط المعدل فاعتقد بسهولة تحصلينه في الجامعات الخاصة……..وبالتوفيق الغالية

لي نصيحة اوجها لج دام ريلج عنده دكتوراة….يعني انه تفكيره يكون راقي ومدروس لذلك انصحج بالرقي في التفكير والتعامل والحياة كلها… هذا أهم شي حتى ولو ما كملتي دراستج..طبعا لا اريد أن انقص من قيمة التعليم والدراسة لكن التفكير العالي أهم من التعليم العالي..
لج كل التحياتي واسال الله ان يسعدج ويوفقج

جربي UOWD الجامعة الاسترالية في دبي

أنا والله نفس الشي انتي 2 انا خريجة 1.99
ان شالله اذا حصلت بخبرج..
أنا أشتغل عسب جي التوافق بين الشغل والدراسة مهم عندي ..خاصه ان في جامعات ادرس في الويك اند..
ألف شكر لج يالغلا واذا عرفت شي بخبرج