المانيا والنمسا وايطاليا رحلتي بالصور .

هلا اخواتي …اخباركم ؟؟
كانت رحلتي لألمانيا وكان زوجي ينتظرني هناك لانه كان في علاج ..والحمد لله على كل حال ..
كانت رحلتي في تاريخ 31-12-2017 ورجعت البلاد في شهر 3 ..
اول ابدأ بحط لكم صور المانيا …والسموحة اذا في من الصور يعني تصويرهن لان كل الصور من الموبايل …
والصور في فترات زمنيه متغيره يعني مرات تمر مناسبات واصور كمن صورة … وداااايما اقول بنزل الصور بس الحمل مخلني متهاااايزه من كل شئ ..<<<<<

اولا ميونخ …المانيا معشووووووقتي …….

وكانوا محتفلين بمناسبة عيد الالوان ((فاشينج ))جذي يسمونه بس كان خباااال

وأول مامشيت الا اجابل مخاوين شما البدو بأول المارين ..وجاااااااان انقع من الضحك واونها مستانسه الحرمة على التنكر …

وهذي صورة من خارج مستشفى بوغنهاوزن هوسبيتال الله لايعود ذيك الأيام

يتبع

هذي مصحة فكتورايت تبعد عن ميونخ ساعة ..وكانت رهييييبه …

اسمحولي بكمل الصور عقب ورحلتي الثانيه الي قلعة سالزبرغ النمسا .وقلعة سالزبرغ

تسلم ايدج على هالصور يوم اطالعهم جني مسافرة هالسنة كنت ناوية بس الله مااراد عشان انا حامل ان شاء الله عقب اذا جعلنا من الحيين

ماشاءالله تبارك الرحمن

صراحه رووووووووووعه

ويوم من الايام الوك اند ققرنا انا وريلي نسافر عبر القطار للنمسا ورحنا الصبح محطة القطارات وزين اان لحقنا على الرحله …

وهذي محطة القطارات الرئيسيه في ميونخ …

وفي هالصورة جدول الرحلات للقطارات ونحن رحلتنا رقم خمسه ..واشترينا التذاكر ورحننا ندور قطارنا …

هذي سالزبرغ ولو تلاحضون فوق قلعة رهيييبه

ورحنا للقلعة ووصلنا للتلفريك يوصلج لين فوق القلعة ..
هذا مدخل التلفريك.

وهالبير اللي كان فوق في القلعة ..

وبداخل القلعة قسم للدمى الخشبية وهذي صورة اللي مسوي الدمى

وطلعنا من قسم الدمى ورحنا للمتحف الداخلي للقلعة .


هذا مطبخ القلعة .

وهذا القسم قسم ملك سالزبرغ والغرفه مذهبه بالذهب .

وهذا سرير كان لأحد اطفال ملوك القلعة .

وهذي حجارة القلعه احتفظوا فيها وماغيروا فيها شئ .

وهذي محطة سالزبرغ ونحن راجعين .

وفي القطار كان ولد ماشاء الله عليه مشاغب وايخلي حد في حاله ..وجان اصوره …

وبهذي الصور انتهت رحلتنا الراااائعة الي سالزبرغ ((النمسا )) وانتظروني برحلتي الي فينيسيا مدينة الأحلام ,,