الماي الزايد حول الجنين .أنا خايفه

هلا بكم بنات وحريموعلومكن بعد::

أنا يديده علي سالفة الحمل ومسألة الحمل نفسها مسويه لي قلق نفسي مادري اذا مرت أي حامل بنفس اللي أحس فيه

بعد جم يوم بدش الشهر الخامس وأحس بثقل مش طبيعي في أسفل بطني وظهري ماسك لي لدرجة اني أمشي خطوتين بظرابه وكل اللي يعرفوني مستغربين مني عشان هذي الأعراض تكون في الشهور الأخيره والدكتوره تقول لي هذا شي طبيعي ولما سوت لي تيلفزيون شافت ان راس البيبي تحت في أسفل الرحم وكمية الماي فوق الطبيعي عسب جي أحس بثقل في الحركه وألم في الظهر ….

منو صار له نفس الشي في شهرها الرابع والخامس؟؟؟ أنا وايد خايفه على البيبي وشو سالفة الماي الزايد يعني ما تضر البيبي ؟؟

بنات بليز خبروني شو أسوي حالتي حاله وما عندي أم ألجأ لها وأقول لها شو علتي …. أنا معتبره كل وحده فيكن مثل أمي وأختي ….. طمنوني الله يطمنكم على كل عزيز وغالي عليكم

للرفع
الله يحفظلج بيبيج و يفرحج فيه و تشوفيننه معرس …
اللهم ارزقني الذرية الصالحة …

الله يعيينج ويسهل عليج وتشوفين البيبي وهو بخير وصحه وعافيه

ودام الدكتوره ماقالتلج في خطر يعني عادي … هي ادرى

ماتشوفين شر الغلا

الغلا انا كنت جيه فالشهر السابع او السادس تقريبا ….. الماي ما يأثر على الجنين وانا خبروني ان وزنه كان زياده عسب السكر .. مع اني ما فيني سكر بس ظهر فالفحوصات سكر حمل يعني مؤقت .. سويت حميه وتميت امشي كل يوم 10 دقايق مرة وحده …. والحمدالله ربيت وما كان وزنه زايد ولا شي كلها خرابيط …. كنت خايفه شراتج ان اربي وبعده فالسادس والماي يأثر عليه … بس لاتحاتي ان شالله كل شي بيكون اوك …. ارتآحي اهم شي ولا تعبين عمرج …. واذا بعدج مب متأكده راجعي دكتورة ثانيه وان شالله تربين بسلامه …

مشكورات خواتي بس للحين أنا مش مطمنه
ان شاء الله تقرا موضوعي وحده جربت سالفة الماي الزايد عشان تقدر تفيدني أكثر

انا من اسبوع راجعت الدكتوره وقالت لي نفس الكلام ان الماي زياده مع اني مسويه تحليل السكر والضغط كل شي اوكي بس راس البيبي اكبر عن حجم البيبي وقالت لي لازم اسوي فحص ولان الحين ما سويت خايفة وايد وقالت يمكن فيه تشوهات خلاقيه وانا بصراحه محتاره وايد ولان الحين ما خبرت احد حتى ريلي مايدري ولا حد من اهلي وانا فى الشهر الثامن اسبوع وبدخل التاسع وانا الي اعرف اذا فيه تشوهات يكتشفوت هالشي من اول شهور