شحالكم و شخباركم و جيف انتو و شو الاهل و العيايز و الشواب و الصغاريه؟؟
انا بخير و سهاله يطولي بعماركم << روحها تجاوب خخخخخخخ
تصدقون عاد اليوم شو استوى !!
انا دشيت المطبخ << انجاز عالمي ..اول دخله مطبخيه في سنة 2024
من كمن يوم و انا اسوي سيرج في النت ..احيد في منتدى اخر سنة 2024 تقريبا واحد خليجي ما احيد من وين ..الله يذكره بالخير ..سوى هالشوربه و نشرها في النت و الخلق اشتطوو عليها..بس الحين بعد مروور كم سنه الناس نسوا السالفه …بس انا ما نسيت
سرت نبشت في النت و ظهرتها و لقيت الطريقه
و البارحه سرت السوبرماركت و تشريت الاغراض<< قصة حياتها
الموهيم ما نطول عليكم
خلوني اول شي اخبركم الطريقه بالصور ..و عقب بنتفاهم عن موضوع النظام الغذائي و فوائدها الخ الخ الخ << تحب تطولها و هي قصيره
المكونات يطولي بعماركم
2 بصل << كتبته اول شي لان انا نسيت احطه و انا اسوي الشوربه و عقب تذكرته لوول
4 فلفل اخضر << بس انا حاطه ملون احلى شكله
شدة ساليري << او كرفس كما جاء في بعض الروايات
2 طماط << او علبتين معجون طماط << اي حاقه في اي حته
1 ملفوفه كامله << بس انا حطيت نص ملفوفه << تعبت و انا اقطع << خخخخخخخ
1 او 2 مكعبات ماجي << او العلالي في حالتي لان امي فديتها قالت ماجي في ماده مضره مادري شو السالفه << هوما بيقيبو الكلام ده منين؟؟
شوية جزر << ماله فايده في الخلطه بس جي رزة ويه محطوط
فص ثوم للنكهه
شوية ملح و شوية بهارات اذا تبووون << انا حطيت بس شوي ملح
و اليكم صور المكونات
هنيه لازال جاري الاعداد
و هنيه اول ما حطيته على الضو و نسيت سالفة البصل
و هنيه عقب ما تذكرت البصل
تخلونه على نار متوسطه 10 دقايق …و عقب يبتدي يفور تخفون على النار و تخلونه مال تقريبا نص ساعه لين تشوفون الخضروات لانت
و عقب عليكم بالعافيه ..و تقدرون تضيفون الليمون
و الحين وصلنا للفوائد
يقولون و على ذمة القائل ان هاي الشوربه تنزل 6 او 8 كيلو في الاسبوع ..بس طبعا ويا نظام غذائي..انا شخصيا ما بتبعه ..بس بحطه لكم اذا حد بغى يستفيد منه
ملاحظه هامه:
يمكن الأكل من هذه الشوربه كلما شعرنا بالجوع بأي لحظه من لحظات الريجيم …في أي وقت ومتى شئنا ..لأن هذه الشوربه لا تضيف سعرات وكلما شربنا منها أكثر تفقدنا أكثر من أوزاننا.
اذا شربت الشوربه بدون النظام الغذائي تؤدي الى سوء التغذيه (الأنيميا)
لذا يجب التقيد بالنظام التالي:
اليوم الأول:
نأكل كل انواع الفاكهة ما عدا الموز والبطيخ والشمام…
فقط شوربه وفاكهة ويمكن شرب الماء والشاي والقهوة بدون اضافة سكر ولا يجب شرب المشروبات الغازيه.
اليوم الثاني:
نأكل قدر استطاعتنا من جميع انواع الخضروات العاديه والمطبوخه…
وحاولوا اختيار الخضروات الورقية.
وابتعدوا عن البقول والذرة..
ولا تنسوا ان تكافئوا أنفسكم على العشاء بتناول حبه كبيرة من البطاطس مشويه مع الزبدة "فقط حبه واحدة بطاطس حجم متوسط"….
واشربوا الشوربه قدر استطاعتكم
وابتعدوا عن الفاكهة في هذا اليوم.
اليوم الثالث:
مزيج اليوم الأول والثاني ..
كلوا من الفاكهه والخضروات والشوربه بقدر استطاعتكم
.ملاحظه:
لا تأكلوا بطاطس مشويه في هذا اليوم.
اليوم الرابع:
يمكنكم أكل 8 موزات بالاضافة الى أيه كميه من الحليب خالي الدسم + الشوربه.
تستطيعوا توزيع الموز على الثلاث وجبات…أو تناوله على وجبه واحدة وبقية الوجبات شوربه.
اليوم الخامس:
يوم لحم البقر والطماطم "ممكن دجاج أو سمك اذا لم تشتهوا اللحم"
تناولوا ما يعادل 280 الى 500 جرام من اللحم البقري بالاضافه الى علبه معجون طماطم او عدد 6 حبات طماطم طازجة.
ملاحظه هامه:
يجب شرب 6 الى 8 كؤوس من الماء اجباري …حتى يتخلص الجسم من حمض البوليك.
وتشرب الشوربه مرة واحدة على الأقل.
اليوم السادس:
يمكنكم ان تأكلوا قدر استطاعتكم من لحم البقر والخضروات …
مثلا من 2 الى 3 ستيكات مع خضروات ورقيه أو سلطة خضراء.
لاتأكلوا بطاطس مشويه في هذا اليوم .
اليوم السابع:
كلوا الرز الأسمر مع عصير فواكه خالي من السكر "عصير طبيعي طازج وليس صناعي"بالاضافة الى الخضروات حسب الرغبة…طبعا مع عدم نسيان الشوربه على الأقل مرة واحدة باليوم.
و اللي يبا معلومات زياده عن الشوربه يكتب في النت شوربة الساليري و بيحصل وااايد معلومات تفيد
طبعا ملاحظاتي فديتني بعد شرب الشوربه:
1. طعمها مقبول جدا << بالنسبه لي مادري عنكم
2. تحسسك بالشبع فتره طويله << احس اني منجعمه
3. طبعا الكميه اللي مسويتنها في جدر عوود حقي و حق من يرغب من القبائل في البيت << فاللي بيسوي لشخص واحد عاد يتصرف
4. مادري جان بستمر و الا شو << انا انسانه اشجع حبوب النتحيف اكثر عن الطرق الطبيعيه << مخربتنها لوووول
5. اللي بيقول عني دبه بيندم انا طولي 160 و وزني حاليا 57 << بس فيه حاله نفسيه عافانا الله ابا اكون 50 شرات الايام الخوالي ..
بس بعدين تعاااالي شو هالحالة النفسية جسمج حلوو ما يبالج 50 الله يهداج ، ،لو بتنزلين بس يكفيج 55 … …>> شايفتنج عشان جيه ارمس خخخخخخخخ
بس لا ما شاء الله شوربة مفيدة لان الاشيا اللي فيها واايد مفيدة ^_^ ،، ان شاء الله البنات يستفيدن
ومشكووووره حبوووبه ع الطرح ^^
انا يتني فتره كنت اسويهاااا الصراحه اتشبع
شكلي برد الهااا