و الرغبة في الاصلاح و تقوي الله عز وجل …
اولا / كلنا نعرف ان الزواج قسمة ونصيب ورزق من رب العالمين ..
ثانيا / اللي الله عطاه نعمة زواج او غيرة لازم يشكر الله عليها ..
ثالثا / كل نعمة ممكن تزول و الله علي كل شي قدير …
الموضوع :
كل ما رحت تجمع حريم سوا عرس او ملجة او عزيمة او اي مناسبة
طبعا تكون فيها البنات و المعرسات ..
بس لاحظت حركة منتشرة وااايد كدرت خاطري ..!
هي ان المتزوجة اذا جلست مع وحدة عزابية ، تبدا تستعرض قدامها
حياتها الزوجية و طول كلامها زوجي و زوجي ..
و بعد تتعمد تشيل ولدها و تضمه و تلعب معاه …!
خاصة اللي توهم متزوجين من سنتين و ثلاث و اربع
ليييش جذي ؟!!
لا تقولوا ما تقصد لا والله تقصد وعن عمد و واااضح جدا انها تقصد
ما انسي موقف صار قدامي في احد الأعراس :
بنت متعلمة و مدرسة عمرها بالثلاثين ، مو متزوجة
بسبب عضل أبوها لها ..
أختها من أبوها اصغر منها متزوجة و لها ولد ، كانت لما شافتها دخلت القاعة
راحت جابت ولدها و تحضن فيه و تلعب معه ، و طول كلامها معها زوجي و زوجي
و الله أختها ساكتة و ما ردت أبا بابتسامته …
نفس هالبنت المتزوجة و بنت خالتها بعد ، سافرا بنات عزابيات
سوا نفس الحركة …
أنا نفسي اعرف ليييش ؟!
يعني اذا الله اعطاك نعمة ، تأذي خلق الله ..!
ليش ما نراعي مشاعر غيرنا و نحتسب الأجر عند الله ..
و شفت مجموعة قاعدين يتهامسون بالكلام علي وحده متأخرة بالزواج
و يقولوا تعطي عين و المصيبة انها خالتهم …
أتمني هالنوعية من الناس تتاكد ان الله كما اعطاك ممكن ياخذ منك
و انه يمهل و لا يهمل ..
ان بعض الظن اثم
:
اما المتزوجه النصوحه .. لوحه فنيه تفيد و تستفيد ..
ف غاليتيه الشين موجود و الزين موجود و اتمنى للهدايه لنا يميع و لهن ..
و ايضا دائما تجنب سوء الظن و تحليل الغير ( ندعي لهم ) .
واذا كان بقصد فربك كبير لانه الزواج والاولاد لا شطارة ولا طهارة بل نصيب من رب العالمين ومثل ماعطى ممكن ياخذ باي وقت
عادي اي ام تحضن عيالها وبالنسبه للكلام عن الزوج انا ما ايده بس ممكن يكون في سياق الكلام ويابت طاري زوجها او موقف مرو فيها ما فيها شي