المتزوجات والمقبلات على الزواج لاتبخلن عليي بالنصيحه .!!

السلام عليكم

دخيلكن ساعدوني

ماتم على عرسي شي

وين اسوي مكياجي والتسريحه؟؟

كل حد يقول لي شي ؟؟

صالون قنطار .. صالون منى .. صالون موار؟؟؟؟

سيلفى .. مادونا .. منيره من بوظبي ..؟؟؟؟

مااااااااااااعرف ؟؟؟؟

وكله كووم وفستان العرس كووم ثاني؟؟؟؟؟؟؟؟؟ ماعرف من وين ؟؟؟

وهل لازم اخذ كورس تنظيف وتحجيج في صالون معين قبل العرس بفتره >> انا هب وايد محتاجه هالشي ويقولون لي ان الصوالين يقصون على البنات بالذات يوم يعرفن انها عروس عسب يشفطن البيزات!!!

اللى معرسات .. واللى مقبلات على الزواج .. دخليكن لا تبلخلن عليي بتجاربكن وبنصايحكن…!!

اتمني اشوف ردود .. وجزيل الشكر :22 (4):

الغاليه ادخلي في قسم المكياج والعطور ..
موضوع الأخت عاليه المقام..دليل المكياج….

هلا اختي،، بنساعدج إن شاء الله،،

المكياج ادخلي قسم المكياج وشوفي اللي يعجبج البنات ما قصرن في القسم،،
بالنسبة للفستان في وايد مصممين يأجرلج الفستان او محلات تأجير فساتين الاعراس واسعارهم زينه ،، إذا ما عندج وقت حق التفصيل،،
بالنسبة لج تقدرين تسوين قبل العرس بأسبوعين او ثلاث حمام مغربي وماسكات حق ويهج في الصالون ما فيها شي ومش شرط تقولين انج عروس وسوي مرة وحدة تنظيف بشرة بس قبله بوقت عشان ما تطلع الحبوب في ويهج،، وسوي حمام زيت حق شعرج ومانيكر وباديكر،،،

إن شاء الله تستفيدين ومبروك مقدما

حبيبتي .. انا انصحج انج ادوريبن مكياج متميز .. لا تقولين بسوي مكياج ناعم ولا عادي … عندج طول ايام عمرج ترومين تحطين ها المكياج الناعم .. بس احسن شئ انج تبينين غير وانت داخله يبين مكياجج .. بس بعد يوم حد يقرب منج ما يكون اوفر .. قولي ها الكلام حق اللي بتسويلج مكياج .. عندج منيره .. مكياجها جدا حلو .. وجيتا في عروس الخليج .. بس اضني منيره بطلعج غير … انا سويت عند دولا والكل عيبه مكياجي .. بس قلت يا ليتني سويت عند منيره..

حق شعرج انا أقولج لا تستغنين عن سيده .. في الصالون البناني .. كانت شغاله ويا دولا بس بعدين طلعت .. صراحه صدق احترافيه في الشعر .. وديلها اي صوره .. بتسويلج بالضبط نفس الصوره .. تخلي شعرج نفس الأميرات .. واذا انت تحبين النفخ و الشنيون العالي .. تسويه بس تخليه كبييير .. نفس الكبابه العوووووووده .. وتوقف عليها الطرحه بشكل روعه .. والله لو اروم أحطلج صورتي مال عرسي جان حطيتلج .. تخيلي قصتي .. سوتها ضفيره صغيره .. وسحبتها على جنب .. وشلت طرحتي ورضفتها 3 رضفات صغيره .. استوت غليضه على الراس جني لابسه ربطه مال يهال .. يعني شكلي كان cute وجدا مميز .
وانت سيريلها قبل عرسج و اسأليها شو اليديد في الشعر .. شو أحلى علي وهي بتقولج…
عندج بالنسبه للتنظيفات .. انا أقولج لا تقصرين على عمرج من الخلاطات في البيت .. روحج اهتمي بنفسج وسويلج خلطات .. العرس الا مره في السنه .. حاولي تهتمين بكل شئ بجسمج .. عندج قسم البشره فيه خلطات .. استفيدي منها .. ودوم زيتي جسمج دوم .. بتحسن بالفرق .. بتحسين انه جسمج صدق استوى طري وناعم .
بس سوي اشتراك مع أحد الصالونات .. مثلا 4 حمامات مغربيه .. قبل العرس ..
وطبعا اذا بشرت ويهج اوكي .. لا تلعبين بها وايد .. بس سيري قبل العرس بيومين .. سوي تقشير بالكرستال .. عندج مركز اسيثتك .. عندهم وحده شقره .. فناااانه .. تخلي ويهج جنه مرايه .. ها التقشير يخلي ويهج fresh ويطلع عليه المكياج روعه.. حتى هي اذا شافت ويهج اوكي .. بتقولج مافي داعي تسوين مره ثانيه .. جربيها و ما بتندمين .. بس احجزي عندها من وقت لانه احتمال يكون full يوم عرسج ..

بالنسبه لثوب العرس .. انا انصحج ادورين جاهز ..
تخيلي انا سرت و فصلت فستان .. عند مصمم لبناني في دبي .. سوالي نفس الرسمه اللي اخترتها .. بس شو الرسم غير عن الواقع يا أختي .. مووول ما عيبني بعد ما تفصل .. وزين الحمد لله اني كنت شايفه فستان عند وحده تأجر فساتين ووااااااااااااااااااااااايد عايبني .. على طول من غير تفكير .. سرت و أجرته .. قلت برايها البيزات .. المهم اكون مرتاحه في عرسي .. والفستان يعطيج شعور بالراحه و الثقه .. والحرمه مسكينه ما قصرت معاي .. راعتني وايد وايد الله يذكرها بالخير ..

من المحلات اللي اتأجر .. وليد عطا الله . عقل فقيه .. أروشي .. هازار و غيرهم … عندج في بوظبي ايشتي اسعاره جدا معقوله …عندج حريم ايأجرن مابس احس احلى من المحلات لانه اصحاب الفساتين يكونن مفصلات فساتينهن في لبنان.. اسألي والبات بيفيدونج..

اتمنى اني اكون فدتج .. والله يوفقج ويسعدج يا رب .. بس لا تبخلين علي بالدعاء لي ولبنتي