المتزوجه وغير المتزوجه خلي نفسج في هالموقف

سؤال للمتزوجات وغير المتزوجات

المتزوجات :

إذا ريلج يحبج وأنتي تحبينه وعائشين مع بعض عالحلوه والمره وبينكم عيال و هو مب مقصر عليج انتي وعيالج بشي إلي تبينه يسويه لج ويحاتي زعلج ،، وفجاه شفتي تصرفاته تغيرت يعني يسرح وإيد ويفكر يقول أشياء لها قصد وأنتي مستغربه ليش جيه يقول وشو قصده ؟؟؟ أما حبه لج بعده موجود واحترامج واهتمامه فيج مستمر .. بعد فتره حسيتي ان فيه وحده بحياته وانه يكلمها يوميا ويطرشلها مسجات وهي أطرش له مسجات وهالمسجات انتي شفتيهن بعينج ويبن انهم يحبون بعض ،، واجهتيه بالمسج يابلج حجج منيه مناك وراضاج وقال انج انتي في القلب محد غيرج وأنت اطمنتي ،،، بس هو بعده على حاله ما ودر البنت …. بعده يحبها .

الغير متزوجه :

تخيلي انج انتي حبيبة هذا الريال … ودايما يكلمج عن عياله وعن حرمته أنها صبرت معاه وانها تعاني في تربية عياله وان اليوم بيجازيها بطلعه بروحها .. وأيام يخبرج وين بيشل عياله اليوم ويلاعبهم ..وشو بيشتري لهم .. وأنتي تساعدينه وتشجعينه بأنه يهتم بعايلته ، تحبين عياله ومعجبه بتربيته لهم وإذا قال فلانه تريد هالعرض ومابييبلها تحلفين عليه أييبلها ويقول ان شاء الله بشتريلها ما أقدر أردج .. حنونه عليه وعلى عياله طبعا من بعيد لبعيد ،، إذا زعلت حرمته منه تدعين لهم ان الله يصلحهم ويخليهم لبعض وتقولين لا تخليها زعلانه منك راضيها هذي أم عيالك ،، حاولتي كم مره تبعدين عنه عشان ما تخربين على عائلته وتفككين شملهم بس هو مب طائع ويقول لا تبعدين عني أنا أحبج ،،، وإذا زعلتي مني مابرتاح لين ماترضين رضاج يهمني وزعلج يكدر خاطري ،،، توعينه وتقولين له انت متزوج ولك حياتك ،، ليش أدخلني أنا معاك ؟؟؟ حرمتك ما تستاهل انك تخونها .. يرد ويقول أنا مب مقصر فيها ومثل ما أحبها أحبج انتي بعد ويحلف لج انج غاليه عليه وانه مايباج تروحين من أيده يباج له وبالحلال .. بس خايف من المشاكل وخايف مايعدل بينكم وخايف ،، وخايف ،، وخايف ،،، وأنتي تتريين اليوم إلي يخطبج شخص ثاني غيره وبنفس مواصفاته بسسسسسس (بدون حرمه ) وتدعين ربج انج ما تكونين سبب تعاسة حرمه ،،، ومرات تشوفين ان الزمن يمر وأنتي محتاجه شخص يواسيج شخص يخاف عليج ويهتم فيج ويهمه رضاج ،،، مثله بالظبط ومرات تقولين في خاطرج أتمنى أكون حلاله .. يعني اتزوج واحد يحبني وهو متزوج ولا اتزوج واحد اتعب معاه وهو محد مشاركني فيه .

قولولي رأيكم بس بدون أي تجريح من المتزوجات لأنها مثل ما تشوفين مب حابه أنها تخرب البيت بس ربج خلالها في هالموقف . ولا تقولن كيف عرفها وهي بنت حرام لاأااا البنت محترمة وهي زميلته في الدوام

أتريا الردود

بالنسبه لي ..
ما بتقبل اي وحده مهمآ كآنت رمستهآ لريلي لصآلحي و صآلحه عيآلي ترمسه
مابآآه رمستهآ ..
مابآ حد يشآركني بريلي
ولو عرفت اكيد بخيره انآ او هيه
وبزعل زعل
وما برضـى
وبسوي مشآكل << يآ حبهآ للمشآكل خخخ

بس جد .. ولا يقول لهآ احبج .. هذآ اللي ناقص
حبك برص

مممممم ما اتوقع اني برضـى حبوبه
وهذآ رآي
والسموحه منج

يمه ببعد عن الشر وبغنيله مثل مايقولون

وبتوكل ع ربي اذ يبيني بخليه يجي البيت واذا مايبيني خليه يجلس مع عياله وحرمته واهومرتاح

ويشوف غيري..

والله يبعد عنكم وعنا الخيانات….

ما شي حـــل غيــــــــــر أنهاااا تتزوووجه ,,,

واذا ما تزوووجته بتــــم معاااه تكســــب ذنــــــــــــــــــــــــــووووووووووب ,,,

الله يهديــهم ويوفقهم لما يحـــب ويرضى …

دام انه البنت مدركة لغلطها خل تحط نفسها مكان زوجة الريال شو بيكون شعورها؟؟؟؟؟؟؟؟؟؟؟

تصنعها باهتمامها بالاولاد وخوفها على مشاعر زوجة الريال ماله داعي أبداااااااا

عندها حل من اثنين….. يا انها تطلع من حياتهم بهدووووووء …. ولا انها تطلب من الريال يتزوجها

حرام والله حرام اللي تسويه

هي بتصرفها هذا تهين نفسها وكرامتها كيف ترضى على نفسها الذل

وبعدين الريال لا يتحجج ويقص عليها انه يخاف من المشاكل وما يعدل من بينهم اذا تزوجها… اللي يبى الصلاة ما تفوته يا أختي

لا حول ولا قوة ولا بالله العلي العظيم

الواقع اللي نعيشه صعب ومر يا أختي

أدعولها ان الله يبعدها عنه ويرزقها الحلال بدون أي تعقيدات … أمانه أدعولها