المرأة هي الضحية دائما وابدا

ليش المرأه دايما الضحيه في كل شي؟ ليش المرأه هي اللي تتحمل الكلام الجارح والاذى وكل شي ؟ يعني اللي تعنس قالوا هاي عانس وكبرت ومادري شو واللي تطلق قالوا هاي مطلقه وهاي ومادري شو وهاي فيها وفيها مع انه الريال المطلق ما يقولون عنه اي شي واللي ما تييب عيال بعد هي اللي تتحمل الكلام والاذى والريال ما يقولون عنه شي واللي عندها بنات وما عندها اولاد يقولون هاي ما يابت غير بنات كله على البنت ليش جذي؟ وتقولون بعد ليش دايما البنات يحسن باكتئاب وهم وغم اكيد بتحس بهم واكتئاب كيف بتتحمل كل هذا … الرياييل ما عندهم اكتئاب ولا عندهم هم كثر البنات … ليش جذي ؟؟؟ لو مب الخوف من ربي جان تمنيت اني لو كنت ولد ولا طلعت بنت…

الغاليه شكلج وايد معصبه حتى داخله بدون سلام ..

مدري انا اشوف ان الحين يتكلمون عن كل حد ريال ولا حرمه ..

بس الحريم حسااساات .. فيحطن بخاطرهن .. ويتاثرن .. ويتحسسن ..

فتستحي هي من نفسها قبل وتعطي مجال للناس اتعلق ..

اما الريال .. لو مطلق .. عادي لو انسال يقول باعلى صوت ولا يتاثر ..

ولا يفكر فلان يوم قالي مطلق شو قصده وشو وشو وشو ..

طااااااف وحياااااتج .. وعيشي حياااااتج

لا تحاتين حبيبتي بكلمج عن تجربة أنا تزوجت مرتين أول مرة غستمر زواجنا 5 شهور بس ويوم تطلقت الكل قام يلومني أنا وتعقدت من كلام الناس وخشيت فالبيت ماأطلع منه
وعقب سنتين تزوجت مرة ثانية ريال طيب ومسكين لكنه أرمل وعنده بنتين صغيرونات والحمدلله مرتاحة معاه وايد وحس بناته كنهم بناتي والحين أنا حامل فالشهر الرابع

وعلى المرأة التحلي بالإيمان والصبر وتسلمين على الموضوع …

صح كلامج قلتي جزء من اللي بخلاطري محد مرتاح بهالدنيا الا الرياييل والشقا لنا احنا وبس