المشكلة هي البلاك بيري!!!!!

السلام عليكم ورحمة الله و بركاته
المشكلة و باختصار ان ريلي و غيره استووا مدمنين شي اسمه البلاك بيري
حياتنا اتغيرت كل يوم لازم نتهازب
الريال لا يسمع ولا يشوف ولا يتكلللللم !!!!!!!!!!! جنه صنم كله عيونه فيه
واذا كلمتيه يلا يلا يرد عليج هذا اذا سمعج اصلا انا وااثقة فييه مليون بالميه
والله حاله اشتقت لايام السوالف و القعدة الحلوة والضحك
والقهر يوم اجوفه يضحك ويا ربعه ع هالاغبر واذا حاولت اكلمه ف الموضوع يعصب
وانا مليت ابي ريلي الاولي اللي كان يغلق تلفونه و اهو يالس وياي ><
واعرف حريم يعانون شراتي
بلييييييييز ابي حل

مشكله وايد يعانون منها الله يصلحهم
قبل اسبوع وحده اعرفها ريلها طلقها بسبب البلاك بيري وادمانها له

مشكورة اختي ع الرد
بس والله مايسوا ان الواحد يخسر شريك حياته ع سبت بلاك بيري !!!
الله يهديهم

ياربييي انا كنت معارضه هالفون وبشده بعد .. ريلي جيه 24 ساعه الا ماسكنه ويضحك انا واثقه فيه بس يوم اشوفه يضحك يقول لي تعالي اقري اخوج شو مطرش والا ريل اختج والا ربيعي .. يعني ها اللي مريحني هههههه وساعات ارز ويهي امسك الفون جدامه وايلس اطمش على محادثاته وي ربعه … يعني ريلي لو مب واثق من نفسه جان مابيعطيني اشوف الفون من الاساس … قولي له من بعد الساعه 12 او 11 فليل خلاص يحطه ع السايلنت

الله يهدي ريلج..

والحمدالله ريلي يكره شي اسمه بلاك بيري مايحب هالخرابيط..

اهو وحلييييييله شرات ريلج نكت وسوالف وياربعه وخواانه
بس انا اغار اغاااااااار كله وياهم
وانا شو ابي فيه باليل
ابيه شرات اول حتى مسجاته قلن شي طبيعي لان صبوعه ما اتخوز عن البيبي ماله