المشيمه

السلام عليكم و رحمة الله و بركاته

خواتي شحالكم

بغيت اسأل رحت موعدي قبل يومين جان تقول لي الدكتوره ان المشيمه مستويه خلاص ناضجه و الماي الحمدلله أوكي حول الجنين بس اللي أبا اعرفه عادي تكون المشيمة ناضجه بالمره لان يوم كانت تقول ما حسيتها مرتاحه قالت لي الموعد ألياي بنشوف ما اعرف أبا اربي قبل لا يجلطوني مب فاضيه للفحوصات الداخليه اللي من تحت كل حينه و كل ساعه حطت ايدها
عسب جيه عطوني حل أبا اربي قبل موعدي تراني امشي دوم و الحمدلله كل ولاداتي طبيعيه بس لأني تعبت و وزني زايد هالحمل ما أروم امشي وايد

ساااااعدووووووني ربي يسهل علينااااا و يرزقنا الذريه الصالحة

امشي واطلعي الدرج وانزلي راح تربي بأذن الله مالك من كلام الدكاترة هاليومين كل يوم يطلعو لنا بقصة الله يرحم ايام امهاتنا يولدن بدون مراجعات ولاشيء وماشاء الله عليهم

اتوكلي على الله واقرئي ايات التساهيل وامشي دوم وان شاء الله تربي بألف سلامه

اختي اتحذري تصعدين الدري وتنزلين اخطر شي يجلب المشيمة ترا

شوفي دكتورة ثانية والله يسهل عليج..
ليش تفحصج داخلي؟؟؟من ندش التاسع بس سونار وطاح الحطب لين نروح نربي؟؟!!!!!!

أختي ربنا يقومك بالسلامة يا رب انتي و جنينك

احيدني نشيتً من لرقادً فحملي الثاني وكنت طوفت يوم ولادتي بسبوع يمكن وكان فيني الم وضاريً هالالم اييينيً دوم بس ع الريجً ماشربت حتا الماي وسرت كليت نص بطيخهً وزاد علي الويع وربيتً احيييدهم يقولون البطيخ ايييبً الويع مادري عاد ومن كليتهاً يأني اسهال والإسهال ياب الويع فاعتقد من البطيخه

وبالتوفيق عسى الله يسهل عليجً

استغفر الله وأتوب اليه

تسلموون خواتي ما قصرتوو