المشي فالتاسع ؟؟

السلام عليكم ورحمة الله وبركاته ….
خواتي عندي سوال بس والله نفسيتي تعبانه واااايد وما اعرف شو اسوي…..
انا دخلت التاسع من اسبوعين بس مشكلتني اني ما اقدر امشي وايد .. قبل يومين مشيت نص ساعة بس ثاني يوم ما قدرت اقوم من الفراش ..
وامي مسكينة كل يوم اتصيح علي اتقول يلا قومي سيري والحريم كلهن يقلن عليج بالمشي بس والله ما اقدر كارهة المشي وما اقدر …شو اسوي خواتي يزاكن الله خير دلوني شو اسوي وموعد ولادتي تقريبا 116 وخايفة اني اتاخر … لاني احس اني مليت وتعبت شو اسوي ؟؟؟؟ يزاكن الله الفردوس

واذا ما مشيت عادي والا كيف ؟؟؟؟؟؟ تتعسر ولادتي ؟؟؟ انا حامل بالبجر

عزيزتي المشي يسهل الولاده وااايد .. لو مامشيتي بتتعبين اذا الله اراد ..

عادي يطوف موعد ولادتج عقب بيعطونج طلق صناعي عذاااااااااااب اسالي الي مجربنه

انا اختي كله طلق صناعي .. بس في ولدها الاخير قالت مابا طلق صناعي تمت تمشي وااااااايد

وماشاء الله ربت طبيعي من دون طلق صناعي ليش اتيبين لعمرج العذاااب

حاولي تمشين لو تتعبين ريحي اشوي .. عقب رجعي كملي المشي .. لانج ماتمشين ولا تتحركين عشان جي تتعبين

مب معوده عمرج في البدايه اليوم الاول والثاني بتشوفين تعب عقب عاادي بتمشين وااايد صدقيني ..

وماشاء الله حرمت اخوي بعد قربت ولادتها ومافي طلق ولا شيء اختي ماشاء الله مشتها مشششي

بأمر الله نفس اليوم ربت .. ريحي عمرج وامشي …

لااااااااااازم تمشين

فديتج المشي يسهل إن الطلق إييج مبجر وفي حريم أنا اعرفهم ما مشو بس ما شاء الله عليهم ربو التسهيل من عند رب العالمين لا تفكرين وايد وإذا ما قدرتي تمشين اليوم حاولي اليوم إلي عقبه وإن شاء الله تتيسر الامور وإتشوفين ذريتج بين إديج ^__________^

والله يسهل عليج وعلينا عاجل غير آجل يا رب العالمين ^,^

المشي بيسهل عليج الولاده حاولي تمشين ربع ساعه وكل يوم زيدى 10 دقايق
اعرف وحده ما كانت تمشي يوم يها الطلق ما كان يفتح عندها الرحم وهي تعبانه ويقولولها الممرضات امشي
والله يسهل عليج

خلي حد يمشيج غصبا عليج مثلي )
انا اتعايز بس اختي اتيني تقولي غصبا علييييج تمشين مب ع كيفج..
و من غير حشرة اميه.. و الايام تعدي و الحمدلله الدكتوره تقولي راس البيبي وااايد نازل..
شكلج تمشين قلتلها امشي 3 كيلو باليوم..
الله يسهل عليه و عليج ان شاء الله..

خلي ريلج غناتي او اي حد من اهلج يوديج مكان يعيبج تمشين فيه وتتشعجين تمشين فيه مول تحبينه مثلا او الكرنيش او اي مكان تحبين تمشين فيه مب لازم تمشين وايد غناتي الي تقدرين عليه وان تعبتي ارتاحي وايلسي وعقب كملي طريجج اشربي سوايل وايد وتسلي بالسوالف وبتنسين عمرج

وعسى الله ييسر امري وامرج ياربي

المفروض تمشين من نص الشهر الثامن حتى لو ما مشيتي اشتغلي فالبيت
شغل البيت يساعد وايد وبالعكس ما بتحسين بتعب اذا كنت متعودة على شغل البيت