حبيت احط موضوع تنبيه للأمهات عن المضاد الحوي
مهم جدا جدا جدا يا امهات
1- الإلتزام بوقت اعطاء الطفل المضاد الحيوي يعني لو قالج الدكتور # 3 مرات في اليوم يكون كل 8 ساعات و لو قالج # مرتين في اليوم يكون كل 12 ساعة و لو قالج # مرة فاليوم يكون كل 24 ساعة .
( طبعا الأوقات جدا مهمة عشان البكتيريا ما تعود وتستقوى أو يستوي للياهل إمساك او اسهال و لو كنتي من النوع الي تنسي انصحج بالكتابة على كرتون الدوا )
2- الإلتزام بالجرعة المحددة يعني لا تعطين الطفل بالمعلقة العادية ( لازم تطلبي من الصيدلي الإبرة على حسب الجرعة بالملي طبعا تعقين الإبرة بس تستخدمي الجزء السفلي منها عشان تحددين الجرعة حسب ما يقولج الطبيب مثلا 3 مل او 5 مل أو 7 مل )
3- الإلتزام بالمدة الي قالج عنها الدكتور وهي على الأغلب إسبوع لان الطفل بعد 4 ايام عادتا يحس بتحسن لا توقفين المضاد لين يكمل المدة الي قالج عنها الدكتور لان البكتيرية ترجع أقوى من قبل لانها تكون ما ماتت بس خمدت و إذا خلصتي المدة كاااااااملة تموت البكتيريا …
الله يشفي كل مريض و يبعد المرض عن عيالنا
اتمنى اني افدتكم 
بسم الله الرحمن الرحيم
حيـاج الله و بياج ختنا زينب الطيبة
مشكورة على هالإفادة ،،، وايدات
يلخبطن في اعطاء ابنائهن الدواء و خاصة المضادات الحيوية
بارك الله فيج عزيزتي
أزيد على رمستج انه الياهل اذا بدت أعراض المرض مب من اول يوم تعطيه مضاد يباله استشاره طيبه
اتريا عليهم ثلاث ايام بعدها اراجع وإذا الحمى ما تنزل الدكتور يخبرني أبدي أعطيه
بصراحة ماكنت انتظم بوقت الدوااا وماكنت الاحظ تحسن بس عقب صرت انتظم بالدقيقة والحمدلله الامور تمام
مشكوره ع الافاده
سلبياته اكثر من ايجابياته