المضروبة من مطبخي . كانت لذيذة

هذي اول مرة انزل لكم طبق من تطبيقي و بالصور ….. في اشياء نسيت اصورها بس بذكرها ….. وان شاء الله تعيبكم … لانها اكله سريعة وخفيفة ….

المقادير :
زيت
1 بصلة مبشورة
2 فص ثوم مهروس
قطعة زنجبيل مهروسة
3 حبات طماطم مبشوره
كزبرة مفرومة
اوراق غار
1 فلفل حار ( او حسب الرغبة )
ملعقتين او ثلاث صلصة
البهار ( 2 عود جرفة .. شوية كمون .. شوية بهار مخلط .. شوية كركم .. شوية فلفل احمر .. لومي يابس مطحون .. ملح .. فلفل أسود )
وعلبة تونه او علبتين حسب الكمية
وشوفان كويكر

نحمر البصل في الزيت ..

بعد ما يصير لونه ذهبي نضيف الثوم والزنجبيل عسب يتحمرون ..

بعد ما يتحمر الثوم نضيف الطماطم .. والبهار والكزبرة والصلصل ..

نضيف التونة ونجلب ..

نضيف الماي و نخليه يفور شوي مع التقليب ..

نضيف الشوفان و نجلب الخفاق اليدوي واذا حسيتي انه قوامها وايد غليظ ضيفي ماي ..

ونسيت اصور الطبق النهائي …. بس انتو خلوها على نار هادية وكل شوي جلبوها لين تحسوون ان الشوفان ذاب بس ما بيذوب تمام …

و في النهاية الوقت اللي استغرقته لعمل المضروبة تقريبا نص ساعة … و بالعافية

و ان شاء الله يعيبكم الطبق …. وسامحوني على التصوير لانه من الفون ….

المشاركة الأصلية كتبت بواسطة آنسات

تسلم الأيادي

الله يسلمج ….. يسلمو على المرور …

المشاركة الأصلية كتبت بواسطة بدر البدو

تسلم ايدج حبوبة

الله يسلمج …. كلج ذوووق ….

تسلمين حبوبه ع الشرح و الطريقة

وتسلم ايدج ..