الممبار
صوررررررررررره الطبق للذبح هههههههههههه
المقادير اللى استخدمتها
كيلو ممبار نظيف انا اشتريه من الجزار نظيف وجاهز عل الحشو
5 كوب ارز مصرى منقى ومغسول
4 حزم بقدونس + 2 حزمة شبت + حزمه كسبره
2 معلقه معجون صلصة
2 بصله مبشورة
قليل من الزيت
ملح وفلفل اسمر
3 حبات طماطم مبشورة
للمرقه والسلق
بصله صغيرة + ورق لورى + هيل وملح وفلفل اسمر
الطريقة
نحضر الحشوه
نقطع الخضرة بعد مانغسلها ونبشر البصل والطماطم ونضيف معجون الصلصه والسمن والزيت والملح والفلفل الاسمر
نغسل الارز ونضعة على باقى الحشوه ونقلبهم جيدا
نحضر مقص المطبخ ونقص الممبار بحجم واحد او متقارب
نبدء فى حشو الممبار
ونبططه خالص ونخرج الارز الزياده على شان مايفرقع فى السليق
أنا كده خلصت الحشو
حانجيب حلة السلق وتكون واسعه ونضع فيها مويه كافيه للسلق ونضيف اليه بصله صغيرة وملح قليل وفلفل اسمر وورق اللور والهيل ونضعها على النار لغايه ماتغلى
ونبدء فى وضع حبات الممبار واحده تلو الاخر
ونغطى الحله ونتركه يستوى ومن وقت للتانى نطل عليه لو احتاج موية
اثناء التسويه بتجرب سواه بالشوكة حتى تتاكدى انه خلاص استوى تنشليه من المرقة وتحمريه فى قليل من الزيت
وراح يبق عندنا احلى طبق ممبار
دعوة بالستر فى الدنيا والاخرة لى ولعيالى تكفينى
لازمني اجربه بصراحة
واحنا في تونس من ضمن الحشو نحط : كبدة وقلب ولحمة وشوية من الية الخروف
بس اختي شو يعني ممبار ؟ مصارين ولا
هيه صح و نحن عنا خدامه كانت تشتغل ف مصر
سألتها عن الأكله قالت انه لازم يفورونه اول ( الممبار) و عقب يحشونه .. يستوي ولا ؟
المشاركة الأصلية كتبت بواسطة ησηι ¢υтє♥ 
بس اختي شو يعني ممبار ؟ مصارين ولا
هيه صح و نحن عنا خدامه كانت تشتغل ف مصر
سألتها عن الأكله قالت انه لازم يفورونه اول ( الممبار) و عقب يحشونه .. يستوي ولا ؟
الممبار ده مصارين الذبيحه ولازم يتقلب تحت الحنفيه الاول ويتكحت بالسكين ويتغسل بالليمون والدقيق ويتشطف ونرجع تحت المويه نقلبه تانى على وجهه
بس انا اشتريه متنظف جاهز من عند الجزار يادوب اشطفه واحشيه مالى خلق ولا عندى وقت انى اجيب وانظف بس طعم بشكل غير طبيعى