وااااااااااااااااااااااااااااااااااااااااااااااااا اااااااااااااااو
ماتوقعت إن الموضوع راح يكون له كل هالجمهور
أوكي بما أن الكل يسأل وحاب انه يزور هالمناطق أفضل اني اعطيكم كل المعلومات اللي اعرفها ولا أسرار بعد اليوم
المنطقتين الأولى والثانية:
الرحلة ابتدت من دبي بسيارة فور ويل وكنا عايلتين ومعنا صغار
أول نقطة وصول كانت صحار ولاية جدا جميلة وبالأخص الساحل ونظيفة جدا
واصلنا لي مسقط وسكنا في فندق قصر البستان
اليوم الثاني خذنا جولة في مسقط القرم والأسواق
اليوم اللي بعده واصلنا الرحلة لضربة النيزك
الشارع اللي سلكناه هو شارع مسقط صور
عن طريق قريات ومرينا على منطقة المزارع وواصلنا على الشارع الساحلي (مسقط-صور)
بعدها عدينا منطقة طيوي (منطقة حلوة جدا)
حصلنا لافته تدل على موقع الحفرة
بصراحة ماعرف اشرح الدرب
اللي عندهم نظام الملاحة GPS هذا هي الإحداثيات
ضربة النيزك : 23.03.63.46N 59.07.16.73E
بعد ماشفنا المنظر واتغدينا واصلنا متجهين صوب راس الحد على نفس الشارع
ومرينا على صور
وسكنا في فندق شاطئ راس الحد
الطريق مش مرصوف ومتعب شوي وبعيد 
بس يستاهل الصغار لحد هاليوم بعد ماشافوا السلاحف يقولوا احلى بلد في العالم عمان خخخخخخخخخخخخخخخخخخخخخ
علشان توصلون محمية راس الجنز بياخذكم الدليل مع مجموعة كل واحد بسيارته وتمشون وراه على فكرة قريب الفندق الشارع مرصوف بس للوصول للمحمية نرد على شارع مش مرصوف
وهذي إحداثيات راس الحد
راس الحد: 22.31.42.11N 59.45.59.98E
بعدها واصلنا صوب وادي شاب ووادي بني خالد المناظر قمة في الروعة
بس للأسف كل التصوير اللي عندي فيديو
اليوم اللي بعده رجعنا مسقط وصلنا في الليل وقعدنا كم يوم هناك بعدها رجعنا
هذي الرحلة صارت قبل 4 سنوات خخخخخخخ قديمة
وبصراحة ما اذكر بالضبط كم كلفت بس مش وايد يعني أغلى فندق كان قصر البستان وحصلنا الليلة ب 64 ريال عماني
ماعرف عن الأسعار هالأيام بصراحة الفندق موقعه حلو وايد واظن أغلبكم شايفه
بالنسبة للمنتجع اللي سوى البلبلة خخخخخخخخخخخخخخخخخخخخخ
اسمه Six Senses Zighy Bay
أوكي هذي الرحلة جديدة وسرنا نهاية 2
والرحلة مخططين لها من الصيف الماضي
ابتدى الموضوع اني كنت أدور على مسبح داخل غرفة الفندق
وطلع لي موقع الفندق
بس ماكان مفتوح تابعت الموضوع وعرفت انه يفتح رسميا تاريخ 15 يناير
فحجزت أول مافتح وماحصلت حجز إلا نهاية شهر 2
الفندق على فكرة مش مكتمل والبناء مازال مستمر
والدرب غير مرصوف وتمرون بين الجبال وطبعا انصح بسيارة فور ويل
الموقع بالضبط في مسندم ويصير شمال دبا
حجزنا غرفة مع مسبح وسبا ب 2460 وقعدنا 4 أيام يعني 3 ليال
وأول ما وصلنا سووا لنا Upgrade
لفيلا أحسن كانت طابقين
والفلل تختلف أحجامها ومواقعها وأحسن فلل للمحجبات هي الديلوكس
بس لما سرنا الفلل اللي جبنا فاضية وأصلا بعضها غير مكتمل
السياح كانوا اجانب وفي منهم مع عيالهم وساكنين في الفلل الكبيرة
المكان فيه كثييييييييييير من الخصوصية والخدمة فوق الممتازة
مع ان مش كل المطاعم مفتوحه بس ماقصروا معنا في الأكل
الأكل ممكن تطلبوه في الغرفة احنا اكلنا في الشرفة المنظر كان رووووعة
وممكن على الساحل
بصراحة كل شي كان حلو ومرتب
الجو كان بارد بس المسبح دااااااااااافي
وحبيت وااااااايد نزهة الجبل وشو دلع 
هذا موقع الفندق فيه كل المعلومات للحجز الأرقام موجودة في اسفل الصفحة
وطريقة حجزنا كانت عن طريق التيلفون
https://www.sixsenses.com/Six-Senses-…-Bay/index.php
أنواع الفلل موجوة في الموقع وكل فيلا لها صور من داخل
وعلى فكرة الصور ماتوفي المكان حقه المكان فظيييييييييييييييييييييييع
احلى من الصور وهادئ ومريح
انا بس انتظر مطعم السي فود يفتح إن شاء الله لي زيارة ثانية
وهذي الإحداثيات
الفندق : 25.42.09.07N 56.16.21.25E
إن شاء الله يارب اكون عطيتكم كل التفاصيل بالنسبة للأماكن
اتوقع ان بكرا موظف الحجوزات راح يمل من التلفوانات اللي راح تجيه
خخخخخخخخخخخخخخخخخخخخخخخخخخخ
اتمنى للجميع رحلة سعيدة
ودعواتكم لي 
ولا دعاء واحد
أمزحححححححححححححححححححححححححح
أوكي هذا رقم فندق شاطئ راس الحد موجود في هذا الرابط مع مجموعة من الفنادق الأخرى في ولاية صور
https://www.surcity.net/index.php?pid=6
وهذا رابط للمواقع السياحية في عمان
https://www.omanet.om/arabic/tourism/…ur&subcat=tou1
وهذا كل شي وسلامتكم
لا عدمناج
المشاركة الأصلية كتبت بواسطة khaleejiya 
لا عدمناجالعفو حبيبتي
والسلاااحف هناك ؟؟؟ …………………………………………. واخر سؤال .. الجو الحين كيييييف .. اتوقعه حار .. دام قريب من دبي … ما بيفرق وايد صح؟؟؟؟؟؟
خبرت اهلي عنه …. وشكلنا بنسيييير قريب ان شاء الله
المشاركة الأصلية كتبت بواسطة So_Sweet والسلاااحف هناك ؟؟؟ …………………………………………. واخر سؤال .. الجو الحين كيييييف .. اتوقعه حار .. دام قريب من دبي … ما بيفرق وايد صح؟؟؟؟؟؟
خبرت اهلي عنه …. وشكلنا بنسيييير قريب ان شاء الله
هلا حبيبتي الفندق تقريبا ساعة ونص من دبي في هالحدود
والسلاحف في منطقة ثانية اسمها راس الحد
الجو حلو عموما لأن المناطق كلها قريبة من البحر وبالأخص في الليل يصير بارد
وعلشان الكل ياخذ فكرة عن المواقع الثلاثة جبت لكم خارطة تبين وين المواقع وكيف خط السير
المواقع مأشرة بالأسهم الحمرا
خط الروحه باللون الأصفر من بعد قريات تقريبا ينتهي رصف الشارع
خط الرجعه باللون الأزرق طريق مرصوف للرجوع إلى مسقط وبالتالي العودة على نفس الخط الأول واختيار الطريق الأقرب لدبي إذا ماكنت غلطانة من عند دوار شناص
وهذي المواقع تقريبية وللأسف ماحصلت خارطة أوضح بس أحسن شي تدخلي على Google Earth
وتكتبي أسماء المناطق وراح يطلع لج كل شي والشوارع حتى اللي مش مرصوفة
يعني لو حابة تروحي الثلاث مناطق اقترح أول شي توصلون المنتجع وتقعدون فيه كم يوم وبعدها تواصلوا الرحلة لمسقط بعدها الحفرة وراس الحد