كل عام وانتوا بخير
اممممممـ ابي اتكلم بموضوع يخص الكل واتمنى انه المديره تقرى الموضوع واطبق الفكره اذا ما عليها امر
الموقف
خالد: اوووووف يا حمود راحت عليك اليوم والله
حمود:بلاك خير ان شاء الله
خالد: اليوم دخلت منتدى سيدات الامارات واقري ذيك السوالف مال الزوجات ومال الخيانه وسوالف الحريم
حمود: وانت كيف تقدر تدخل دون ما تسجل
خالد: عادي حبيبي الحياه حلوه ادخل اقري واطلع ويا دار ما دخلج شر وبدون ما اسجل بعد يعني مره ادخل افتح موضوع جني اقريه على ورق
حمود: اها
ما شاء الله على الحريم من يطرحوا مشاكلهم الكل يشوفها اللي مسجل بالمنتدى واللي مب مسجل بالمنتدى
الفكره :انه أي حد يبي يقري الموضوع لازم يكون مسجل يعني مب من هب ودب يقري مواضيعنا ليش كل هاه يعني فيه بنات يكتبوا شو يستوي مع ريايلهم واللي تكتب ريلي خاني ومن هالسوالف
الخلاصه : لازم أي حد يبي يدخل المنتدى لازم يكون مسجل وصدقوني بهالطريقه يتخف تدخل الريايل
يعني والله عيب واحد يرمس عن وحده ويسألوه من وين تعرف السالفه يرد بفخر من منتدى سيدات الامارات
واتمني من مدونة المماثله انها تسوي جيه
هالموقف صار لي
فيه مره فبيت اهلي قاعدين كلنا خوالي واعمامي كلهم ما شاء الله
خالي قعد يرمس بسالف قال انه ربيعه قاله له السالفه ومره العصر دخلت المنتدى اقري السالفه نفسها اللي قالها خالي لنا
تأكدوا وانا ابصم لكم بالعشر انه ما فيه موضوع ما انكتب والا ما وصل عند الريايل يعني تخيلوا الموقف كيف
حتى مره كنا قاعدين وريلي خبرني انه لما كان فالقهوى ثلثت ارباع القهوى داخلين منتدى سيدات الامارات
ادري انكم ما فهمتوا شي بس كتبت لكم من الغصه والله ما من شي ثاني واتمنى انه المديره تقرى الموضوع وتدرسه
الله يحفظكم
والله يهدي اليميع
تسلمين اختيه
بصراحه انا مره كتبت نفس اقتراحج .. يعني لو انا ظيفه اروم اشوف كل شي وكتبت هالاقتراح
فأم حمد ردت علي بهالرد :
المشاركة الأصلية كتبت بواسطة ÷ ~ امـ حمد ~ ÷ 
حي هلا اختي
شاكرين لج اقتراحج
في السابق كان هذا هو النظام المعمول على بعض الاقسام كالمشاكل الاجتماعية والعلاقات الاسريه
فلا يستطيع الزائر الاطلاع على هذه الاقسام الا بعد تسجيل الدخول
ولكن اتضح ان زيادة فضول الشباب تكون اكبر عند منع المشاهدة عن الزائر
لذا كان عدد تسجيل الشباب في المنتدى اكبر ويفوق بكثير عن عددهم بعد فتح الاقسام للجميع
اضافة الى ان بعض العضوات يسترسلن في وضع ادق تفاصيل حياتهن بحجة ان القسم غير مرئي
وبالتالي زادت عدد المشاكل
فتح الاقسام للجميع يعني الحد من وضع اقل التفاصيل خشية النشر
اضافة تبقى الاقسام مفتوحه للزائر فيقل فضول الشباب
اذاً من تجربتين اتضح لنا ان فتح الاقسام نتيجته تسجيل اقل للمتلصصين الشباب
وكلـآمها صح ..
وتسلمين الغاليه ~