بنات امس صارلي الم فظيع وقوي في الرحم في جنب واحد ولليوم الالم مستمر وماراح واعتقد عندي حمل خارج الرحم وانا وايد تعبانة مااقدر اتحرك
ورحت للمستشفى الارف امس واخذوا مني دم اليوم بس عشان يتاكدوا اني حامل والا لا اول شي
ومااهتموا فيني وعموما مااعرف شسوي انتظر النتيجة باجر
واذا مافيه حمل خلاص بكمل علاج الم الرحم
واخاف يكونحمل خارج الرحم بس شنو سبب الالم طمنوني لاني عالق فيني لايخف ولا غيره بس يزيد كانه كتله جالسة على جنب الرحم بموت منها
سيري عياده احسن علشان تتأكدين
ما تشوفين شر ان شاء الله
ما تشوفين شر ان شاء الله
ليش تتحملين الويع ..سيري المستشفى مره ثانيه
مااقدر اسير ريلي مايقدر يطلع من الدوام بموت خلاص وصلت حدي ياليت ماصار حمل ولاغيره انا بروحي عندي ورم وابي اعالج والحمل خرب وياليته حمل سليم الا حمل خارج الرحم ومشاكل والله ماناقصه بس لله الحمد
تعبانة بس طمنوني هل يمكن يكون برع الرحم لانه راكز مكان وجنب واحد في اليسار ونص الرحم
وماشي اعراض حمل
صج مصخرة
الغاليه الله يهديج الا الحمل خارج الرحم الواحد مايسكت عنه لانه بسم الله عليج يمكن تنفجر القناه بعدين بتمين بمبيض واحد شلي عمرج وسيري اي عياده
شو هالمستشفى إللي رحتيها كيف يعني بعدج ماعرفي نتيجه التحليل مايبالها شي ساعه ولا هي ظاهره لأنج طوارئ بس إذا أنتي متأكده إنه حمل وسويتي تحليل حمل من قبل بس بعده ماظهر كيس الجنين فاحتمال كبير حمل خارج الرحم ولازملج طوارئ بسرعه عشان يلحقون عليج في أبره ممكن يعطونه ايها عشان تشيل الحمل من خارج الرحم وينزل بدون مشاكل وإذا تأخرتي لاقدر الله ممكن يضطرون يسولج منظار للبطن عشان يشيلو الجنين من الانابيب تقدرين تراجعين عند الدكتوره نوال الخالدي في مستشفى الامارات أو حتى إتصليلها خبريها حالتج إلحقي على عمرج وإن شاء الله مافيج إلا العافيه وطنينا عليج
ريلج مايقدر يطلع من الدوام في عيادات تفتح العصر سيري لها >_<
طمنيييييينا عليج يالغالية 