النجدة ساعدوا ابنتي الصغيرة

هلا بخواتي طالبتكم العون ارجوكم ساعدوني بنتي فديت عمرها عمرها شهر وكلما عطيتها حليب صناعي صابها امساك مع اني غيرت الحليب مرتين وبعد امساك وصار لي اسبوع موقفة الصناعي وارضعها طبيعي وبعد امساك شو اسوي وديتها عن الدكتور وما فاد الدواء اللي عطاني اياه ..الله يخليكم اوصفو لي دوا وحليب صناعي اوكي لاني بداوم بعد اسبوعين وساضطر اعطيها صناعي واخافها تتبهدل بالرضاعة…وجزاكم الله الف خير

هلا الغالية
فديتج انا استخدم لبنتية سميلاك ادفانسو الحمد لله اوكي
حاول يتعطينها جاهي اطفال في الصيدلية ينباع و الله يخليها لج

اذا انتي من بوظبي روحي عند دكتور سامي انا خالاتي وامي كلهم يودون اليهال اهناك

وبس ها الي اقدر افييدج فييه الصراحه لانه ماعندي خبره وبسال امي

عطيها اليانســـــــــــــــــــــــون طبخي ملعقة كبيرة يانسون مع كاس ونص ماي واشوية شكر ملعقة صغيرة او نص ملعقة فقط للتحلية مدة خمس دقايق وهي والخير رباعة ونصيحة حددي لها اوقات الرضاعه كل ثلاث ساعات ترضع واليانسون خليه رضعه بروحة وهي يوعانة عسب تشربه كله حاولي تعطينها الرضعة مالت اليانسون مرتين في اليوم

نسيت اقولج طبعا تكون رضعة اليانسون دافية لاحارة ولا باردة ونفس كمية الحليب اللي هي تشربه (المرضعة الصغيرة) واخر نصيحة ضروري وهم جدن اتطلعين الهوى بعد كل رضعه منها وماتشوف شر باذن الله

انا الصغيرون يوم اعطيه بعد الحليب الصناعي يصيبه امساك

الله يعافيهم جميعا

انا الصراحه استخدمت حليب نان وايد خفيف وزين مايسوي امساك
بس عطيها اعشاب مطبوخه باستمرار احسن وعلى فكره اذا انتي عندج امساك بنتج على طول يصيبها فعالجي نفسج اول