النظره الشرعيه سواااااااال؟؟

السلاااام عليكم
كل عام وانتوا بخير

بنات انا عندي استفسار ما اعرف كيف ابدا الموضوع لاني اول مره اطرح مشكلتي
الموضوع باختصار.. تقدم لي شخص من شهرين تقريبا من عايله معروفه واااايد
الريال دارس في امريكا وشغله زين واهله ناس وااايد زينين اخته شافتني وخطبتني حق اخوها
يوا الحريم ويوا الرياييل وصار كل شي بس باقي رايي لي الحين يتريون رايي وانا ما رديت عليهم
لاني لي الحين متردده مع اني اسنخرت اكثر من مره بس الشي الغريب فالموضوع ان الريال لي الحين ماشافني ولا حتى طلب هالشي ولا حتى طلب صوره !!! هذا اللي انا مستغربه منه كيف بيتزوجني وهو ماشافني راي اخته بس يكفي وهو مش ملتزم ولا صغير كبير فالعمر يعني في اواخر الثلالثين وانا في بداية العشرين يعني الفرق بيني وبينه تقريبا 15 سنه الناس الحين يتريون رايي اهلي موافقين بس قالولي الي انتي اتقولينه نحن بنرد عليهم ما بنغصبج ع شي انا فكرت اقولهم اني ما اقدر ارد قبل لا اشوفه ويشوفني يمكن اذا شفته ما ارتاح له ويمكن اذا هو شافني ما اعجبه فلازم اشوفه ويشوفني قبل لا اوافق او ارفض انتوا شو رايكم اقولهم هالكلام ولا مب حلوه هذا شي يكون من طرفي انا دام انه ما بادر وما طلب هذا الشي انا ما يهمني الشكل بس لازم اشوفه والشي الثاني اتحسون ان فارق العمر يمكن يسبب مشكله ولا عادي لاني متخوفه من هالشي ومستواه المادي اعلى عني بوااايد نحن مرتاحين اللحمدلله بس اهله اغنياااااا واااايد
بليييز اباكم اتردون عليه هل انا اطلب اني اشوفه ويشوفني ولا مب حلوه ابا نصايحكم وآرائكم

حبوبه اول شئ ماشئ فرق بين غني وفقير ولا تطرين هالسالفه جدامه خلي عمرج عاديه عقب ..
ثاني شئ فرق العمر شو رايج انتي فهالشئ ؟؟راييج وايد مهم ..
النظره الشرعيه لاااااااااااازم تطلبينها وامر رسولنا الكريم فيها قولي لاخته بطريقه حلوه وانه ما يهمج الشكل بس لازم نشوف بعض ….
والله يوفقج فديتج …

على فكره انا متقدم لي لي وااحد كبير عني ب 11 سنه وعقب العيد بيوون بس بعدني محتاره بس اللي كاتبنه رب العالمين انا راضيه فيه ان شاء الله والله ييسر الامور فديتج

مشكووووووره حبيبتي ع الرد الحلوو
والله ييسر امورنا ويوفقنا اجمعيييييين

الله يوفقج يارب

بس لازم النظره الشرعية عشان يرتاح قلبج … يمكن هم محطين فبالهم يوم بصير كل شي رسمي بشوفج بس جي مايصير وانتي خلي امج ترمس امهم عادي مافيها شي وها من حقج

حبوبة لا تصغرين عمرج جدامهم وتبينين انهم اعلى عنج لأن لو صار نصيب بيتم بينكم هالفرق خليج عادية وخلي امج تتصل فيهم واتقول بصراحه الولد ما شاف البنت ولا البنت شافته لازم نحدد موعد علشان يشوفها النظرة الشرعية…

شوفي مافي فرق بين الغني والفقير واطلبي انج تشوفينه يمكن يكون فيه شي مب زين وعقب تنصدمين لازم تشوفينه يمكن ما تعيبينه ترا هاذا عمر